Gender nisbatida qizlar respondentlarning taxminan 39%ni, yigitlar esa 61%ni tashkil qildi.

Respondentlarning o'rtacha yoshi 18 yosh. Shuningdek, yosh bo‘yicha respondentlarning 18%ini 16 yoshgacha, 66%ini esa 16 dan 21 yoshgacha bo‘lgan yoshlar tashkil etgan.

Respondentlarning 78%i musiqaga qiziqadi. Shu bilan birga, jinsi bo'yicha o'g'il bolalarga (74%) nisbatan ko’proq qizlar (84%) musiqaga qiziqishini bildirgan. Hududlar kesimida musiqaga qiziquvchilarning eng kam ulushi To‘raqo‘rg‘onda (68%), eng yuqorisi Namangan tumanida (85%) kuzatilmoqda.

Respondentlar, shuningdek, qanday cholq’u asboblarida chalishni bilishini aytib berishdi. Respondentlarning 45%i  hech qaysi cholg’u asbobida chalolmaydi, ammo ulardan 34%i  chalishni o'rganishni xohlardi. Shu bilan birga, gender jihatidan musiqiy asboblarni chalishni o'rganishni хohlovchilar orasida qizlar (45%) yigitlarga (26%) qaraganda ikki barobar ko’proq.

Respondentlarning 14%i ularda iste'dod yo'qligiga ishonishadi. Shu bilan birga, respondentlar chalishni biladigan eng ommabop asboblar bu klavishli (18%) va torli (11%) asboblardir. Jinsga ko'ra, klavishli asboblari qizlar orasida ko'proq ommabop (18% qizlar va 9% yigitlar), yigitlar (13% ) esa qizlarga qaraganda (3%) ko'proq zarbli asboblarga qiziqishadi.

Respondentlarning yarmidan sal ko’prog’i maktabda musiqa darslarining o'qitilishini a'lo (18%) yoki yaxshi (38%) deb baholagan. Respondentlarning 18%i salbiy baho berdi. Respondentlarning yana 11%i musiqa darslari yo'qligini ta'kidladi.

Hududiy kesimida maktablarda musiqani o‘rgatish bo‘yicha eng yuqori bahoni Namangan tumani (28% – a’lo va 42% – yaxshi) berdi, Chortoq (16% yomon va 7% juda yomon) va Kosonsoy tumanlarida esa eng past baholangan. Musiqa darslari asosan Davlatobodda o'tkazilmaydi - 16% respondentlar javobi.

1-jadval. Maktabda musiqa darslarini o'qitishni tumanlar bo'yicha baholash

Respondentlarning javoblariga ko'ra, musiqa to'garaklarida qatnayotgan yoki qatnashgan qizlarning ulushi o'g'il bolalarga (13%) nisbatan bir oz ko'proq (20%).

Tumanlar bo‘yicha to‘garak va musiqa maktablariga eng ko‘p boruvchilar Namanganda – 23%, Uychi va Yanqiqo‘rg‘on tumanlarida (20%) qayd etilgan bo‘lsa, eng kami Norinda 9%ga yaqin qayd etilgan.

Respondentlar musiqa maktablari yoki to‘garaklariga bormasliklari sabablari orasida quyidagilarni belgiladilar:

1)      Vaqt yetishmasligi (31%)

2)       Qiziqish yo'qligi (25%)

3)       Uydagilardan ruxsat yoqligi (11%).

So‘rovda qatnashganlarning faqat 4%i musiqa maktabi yoki to‘garaklarga bormasligining sababi sifatida malakali o‘qituvchilarning yetishmasligini ta’kidlagan. Qayd etish joizki, qizlarning 19%iga oila a’zolari tomonidan musiqa maktablari yoki to‘garaklarga borishiga ruxsat berilmagan, bu ko’rsatkich o‘g‘il bolalarnikidan (6%) uch barobar ko‘proqdir. Respondentlarning 5%ga yaqini pul yetishmasligi musiqa maktabiga borishlariga to'sqinlik qilishini ta'kidlagan.

Hududiy jihatdan ham sezilarli farqlar mavjud. Masalan, Pop va Mingbuloqdagi respondentlarning 9%i pul yo'qligi sababli musiqa maktabiga bormaydi. Norin va Yangi Namangandagi respondentlarning 13%i maktab yoki to’garak juda uzoqda, deb javob berishgan.

Respondentlarning 18%i milliy estradani ko‘proq yoqtirishini aytishgan. Keyingi oʻrinlarni chet el estradasi (15%) va rep (8%) janrlari egallagan. Shu bilan birga, o'g'il bolalar qizlarga nisbatan (3%) ko'proq repni (12%) tanladilar. Eng kam ommabop yo'nalish K-Pop bo'ldi – respondentlarning 1%dan kamrog'i uni tanlagan.

Respondentlar o'zlarining afzalliklarini alohida qayd etishdi (8%):

-          Turk estradasi

-          Instrumental musiqa.

Respondentlar ko'proq torli (27%) va klavishli (27%) cholg'u asboblarini chalishni xohlashadi. Shu bilan birga, klavishli qizlar orasida eng ommabop javob bo'ldi – 41%. Boshqa tomondan, ko'proq yigitlar zarbli asboblarni chalishni o'rganishni xohlashadi – 13%, qizlar orasida 4%. Respondentlarning faqat 1%i puflab сhalinadigan asboblarini chalishni o'rganishni xohlaydi.

Hududlar kesimida shunga o'xshash javoblar kuzatiladi. Asosiy farqlari, Chortoq, Mingbuloq, Namangan tumani, Norin, Pop, To‘raqo‘rg‘on, Uychi, Yangi Namangan va Yangiqo‘rg‘onda klavishli cholg’u asboblari eng ommabop javoblar bo’ldi. Chust, Davlatobod, Kosonsoy, Namangan shahri va Uchqo‘rg‘onda esa torli cholg’u asboblari eng ommabop.

 2-jadval. Musiqa darslarida yoki to’garaklarida qaysi cholg’u asboblarinin ko’rishni xohlar edingiz, tumanlar bo’yicha

So‘rov ishtirokchilari Namangan viloyatida musiqa san’atini rivojlantirish uchun nima qilish kerakligi haqida ham fikrlarini berdi. Ularning fikricha, eng ommabop yechimlar quyidagilar:   

1)      Maktablarda cholg’u asboblari sonini ko'paytirish (21%),

2)      Musiqa maktablari sonini ko'paytirish (14%) ва

3)      Maktablarda musiqa darslari sifatini oshirish (12%). 

Hududiy kesimida maktabda cholg‘u asboblarini ko‘paytirish zarurligini qayd etgan respondentlarning eng katta qismi Yangi Namanganda (26%) kuzatilmoqda. Norinliklarning 20%i musiqa maktablari sonini ko‘paytirish, Chortoqda cholg‘u asboblarini arzonlashtirish (11%), Yangi Namanganda mahallalarda (16 %) musiqa to‘garaklarini ko‘paytirishni so‘rashmoqda.

Izoh: So'rovnomalar natijasida olingan ma'lumotlar YUNISEFning fikri emas, representativ hisoblanmaydi, va U-Reportning ushbu so'rovida ishtirok etgan respondentlarning fikrlarini aks ettiradi.