U-Report Korrupsiyaga qarshi kurashish Agentligi bilan hamkorlikda aholining, jumladan, yoshlarning korrupsiyaga munosabatini o‘rganish maqsadida so’rov o’tkazdi. So‘rov natijalari Agentlik tomonidan korrupsiyani oldini olish va unga qarshi kurashishni samaraliroq tashkil etish uchun foydalaniladi. 

So'rovda mamlakat bo'ylab 15507 respondent ishtirok etdi, shundan 30% ayol respondentlardir. Faoliyat toifasiga ko'ra so'rovda ishtirok etganlar quyidagilar: 36% OTM talabalari yoki ilmiy xodimlar, 12% davlat xizmatchilari, 11% ta'lim sohasida ishlaydi, 9% maktab o'quvchilari, 7% tadbirkorlar, 6% o'qimaydi va ishlamaydilar va hokazo.

KORRUPSIYA HAQIDAGI SO’ROVNING ASOSIY NATIJALARI:

1.      Respondentlarning 34%i pora berishni korrupsiya deb hisoblamaydi.

2.      U-Reportyorlarning aksariyati (70%) korrupsiyada oluvchi ham, beruvchi ham birdek aybdor ekanligini ta'kidlamoqda. Shu bilan birga, ayollarning 76% erkaklar bilan taqqoslaganda (67%), bu fikrga ko’proq qo'shilishadi.

3.      U-Reportyorlar korrupsiyaning eng asosiy uchta sababini sanab o’tishdi: ish haqining pastligi (22%), mansabdor shaxslarning daromadlari va xarajatlari ustidan nazoratning yo'qligi (15%), huquqiy savodxonlikning pastligi (12%).

4.      So'nggi 2 yil ichida U-Reportyorlar korrupsiyaga duch kelgan sohalar: ta'lim – 21%, sog'liqni saqlash – 14%, ishga joylashish – 12%, prokuratura va ichki ishlar idoralari – 10%.

5.      So'ralganlarning 18%i so'nggi 2 yil ichida korrupsiya holatlariga duch kelmaganliklarini bildirdilar.

6.      Tadbirkor respondentlar ko'proq prokuratura va ichki ishlar organlarida korrupsiya  holatlariga duch kelishgan – 18%, sog'liqni saqlash tizimida ushbu soha xodimlarining o'zlari korrupsiyaga ko’proq duch kelishgan – 19%.

7.      Ishga qabul qilishda korrupsiyaga asosan tibbiyot xodimlari (15%), o'qituvchilar, abituriyentlar, talabalar, o'qimagan yoki ishlamaydiganlar duch kelishganini aytishdi – har biri 13%dan.

8.      U-Reportyorlarning 65%i prokuratura yoki militsiyaga korrupsiya to'g'risida murojaat qilmagan: ularning 40%i buni foydasiz deb hisoblagan, qolganlari esa qasd qilishlaridan qo’rqqan yoki organ xodimlari tinch qo’ymasligidan qo'rqishgan.

9.      Respondentlarning 41%i korrupsiya holatlari to'g'risida xabar berishga tayyor emas: ularning 26%i bunga shubha bilan qarashadi (ko'plari Farg'ona vodiysidan – 30%), 9% istamaydi, 6%i esa bir qarorga kelmagan.

10.  Boshqa barcha toifalarga qaraganda korrupsiya to'g'risida anonym ravishda xabar berishga tayyorlar – davlat xizmatchilari, universitet talabalari, ta'lim va xizmat ko'rsatish xodimlari – taxminan 36%.

11.  Respondentlar korrupsiyaning guvohi bo'lishi mumkin bo'lgan vaziyatda xabar beradigan idoralar: birinchi navbatda, Korrupsiyaga qarshi kurashish agentligi – 28%, ikkinchi o'rinda ommaviy axborot vositalari va bloggerlar – 19%.

12.  U-Reportyorlarning 67%i mamlakatda korrupsiyaga qarshi kurashish bo'yicha ko'rilgan choralar to'g'risida juda kam ma'lumotga ega: ularning 44%i biroz xabarlari bor, 23%i esa hech narsani bilmaydi.

13.  Respondentlarning 52%i "ba'zi ishlarni pora va tanishlar yordamida hal qilish mumkin" degan jumlaga qat'iyan munosabatda emas: ularning 35% atrofida mavjud tizim ularni bunday usullardan foydalanishga majbur qiladi deb hisoblashadi.

14.  U-Reportyorlar korrupsiyani kamaytirish bo'yicha o’z "retseptlari"ni nomladilar: 18%, avvalambor, ish haqini oshirish kerak, deb hisoblashadi; 14%dan tizimni o'zgartirishni va korrupsiya uchun jazoni kuchaytirishni taklif qilmoqdalar, respondentlarning 12%i byudjet mablag'lari sarflanishini shaffof qilish zarur deb hisoblaydilar.

15.  Respondentlarning 86%i O'zbekistonda korrupsiyaga qarshi kurash agentligi tashkil etilganligini biladi: shu bilan birga ularning 62%i Agentlik nima qilayotganini bilmaydi.

Respondentlar toifasiga ko'ra, so'rov ishtirokchilarining ko’pchiligi bular: 36%i OTM talabalari yoki ilmiy xodimlar, 12% davlat xizmatchilari, 11% o'qituvchilar. OAV xodimlari va nodavlat notijorat tashkilotlari toifasidagilar kamchilik (respondentlarning 1%idan), kollej / litsey o'quvchilari (2%), abituriyentlar (2%).

"Boshqa" javob variantini ko'rsatgan 6% respondentlar quyidagilarni yozdilar:

•        Iqtisodchi, bank va moliya sektori xodimi

•        Mehnat muhojiri

•        Uy bekasi, tug'ruq ta'tilida

•        AKT ishchisi, dasturchi

•        Me'mor

•        Advokat va huquq sohasining boshqa vakillari

•        Turizm xodimi

•        Mavsumiy ishchi

•        Qishloq xo'jaligi ishchisi (fermer, bog'bon)

•        Sanoat ishlab chiqarish sohasida ishchi

•        Energetika ishchisi (gaz, elektr energiyasi)

•        Frilanser

•        Yoshga qarab endi ishlamaydi

U-Reportyorlarning 53%i – korrupsiya nima degan savolga to'liq javob berishdi (pora berishdan tortib, byudjetdan o'g'irlash, vakolatlarini suiiste'mol qilish va h.k.).

Qizig'i shundaki, respondentlarning 34%i pora berishni korrupsiya deb hisoblashmaydi, respondentlarning 13%i korrupsiya – bu faqat "pora berish" deb hisoblaydi.

Hududlar kesimida, boshqalardan ko'ra, Xorazm, Sirdaryo viloyatlari va Qoraqalpog'iston Respublikasida yashovchi respondentlar "korrupsiya" deganda ishlarni faqat pora berish orqali yechish deb tushunadilar – ushbu hududlardagi respondentlarning o'rtacha 17%i. Va aynan shu hududlarda ushbu savolga javobni bilmaganlarning aksariyati (o'rtacha 2%).

Toshkent shahri va Buxoro viloyatida, asosan, ushbu savolga eng to'liq javob berilgan, bu yerda respondentlarning 56% "Yuqorida aytilganlarning hammasi" javob variantini tanlagan.

Korrupsiya – o'zi yoki boshqalar manfaatlari uchun o'z lavozimidan noqonuniy foydalanish (suiiste’mol qilish), shuningdek, bunday imtiyozni noqonuniy berish.

Pora berish ham noqonuniy hisoblanadi va jarima yoki 5 yilgacha ozodlikdan mahrum qilish bilan jazolanadi. Pora bergan shaxs, agar u pora berishga majbur qilingan bo'lsa yoki u 30 kun ichida o'z ixtiyori bilan tan olsa, javobgarlikdan ozod qilinadi.

U-Reportyorlarning aksariyati (70%) korrupsiyada oluvchi ham, beruvchi ham birdek aybdor ekanligini ta'kidlamoqda. Ushbu fikrdagi ayollar soni (76%), erkaklar bilan taqqoslaganda (67%), ko’proq. Erkak respondentlar pora olgan odam korrupsiyada aybdor (19%) deb ishonishga ko'proq moyil bo'lsa, bunday fikrga ayollarning atigi 13%i qo’shiladi.

"Boshqa" javob variantini ko'rsatgan 5% respondentlar quyidagilarni yozdilar:

•        Davlat, samarasiz davlat boshqaruvi, eskirgan hujjatlar tizimlari, mansabdor shaxslar va davlat idoralari rahbarlari

•        Ishlamaydigan qonunlar va normativ-huquqiy hujjatlarning nomukammalligi

•        Tizim (siyosiy va ijtimoiy-iqtisodiy) odamlarni korrupsiyaga majbur qiladi

•        Mentalitet, madaniyat

•        Iqtisodiyotning rivojlanmaganligi, monopoliyalarning mavjudligi, raqobatsiz muhit

•        Maoshlarning kamligi, moddiy ehtiyoj

•        Ta'lim darajasi, huquqiy ongi va savodxonligi past

•        Nafaqat beruvchi va beradigan, balki vositachi ham

•        Butun jamiyat.

U-REPORTYORLARNING BA’ZI FIKRLARI: (mualliflarning imlosi saqlanib qolgan)

Государство со своей структурой, когда проще и быстрее решить свои дела с помощью коррупции.

Давлат айбдор, қонунларнинг устувормаслиги,  коррупционерларга жазо турларининг енгиллиги, еоррупционерларни оммага ошкор қилинмаслиги, мол-мулкларини даромадига номувофиқлиги равшан бўлсада, назоратнинг сустлиги. Тизимларнинг автоматлашмаганлиги,  шаффофлик йўқлиги.

Государство, потому что не даёт своим работникам достойной зарплаты.

Сама система, которая увязла в омуте коррупции. Какую бы сферу вы не брали обязательно встретитесь с коррупцией. Так как те, кто сидят на своих креслах создают такую обстановку, при которой простой народ вынужден дать взятку. Или злоупотребляют своей должностью ради корыстных целей.

Менталитет, потому что всем выгодней не заплатить полную сумму штрафа, а дать часть от неё ответственному сотруднику. Они не думают о будущем нашей страны.

Ҳуқуқий онгнинг пастлиги, шахс ўзининг ҳуқуқ ва манфаатларини порасиз ҳам ҳимоя қилиши мумкин.

Спрос порождает предложение. Это элементарный закон экономики.

U-Reportyorlar korrupsiyaning sabablari bo'yicha eng asosiy beshtalikni aniqladi:

1)      kam maoshlar (22%),

2)      mansabdor shaxslarning daromadlari va xarajatlari ustidan nazoratning yo'qligi (15%),

3)      huquqiy savodxonlikning pastligi (12%),

4)      davlat xizmatchilarining o'ziga bo'lgan haddan ortiq ishonchi (11%),

5)      korrupsiya uchun jazo muqarrar emasligi (10%).

Respondentlarning atigi 5%i korrupsiyaning sababi mentalitetga va milliy an’analarga asoslangan deb hisoblashadi.

U-Reportyorlarning javoblariga ko'ra, ular so'nggi 2 yil ichida korrupsiya bilan duch kelgan sohalar bu: ta'lim – 21%, sog'liqni saqlash – 14%, ishga joylashish – 12%, prokuratura va ichki ishlar idoralari – 10%.

Respondentlarning 18%i so'nggi 2 yil ichida korrupsiya holatlariga duch kelmaganliklarini ta'kidladilar. Erkaklarga nisbatan 5% ko'proq ayollar korrupsiya bilan duch kelmaganliklarini ta'kidladilar.

Ayollarning 27%i, 19% erkaklarga nisbatan, ta'lim sohasida ko’proq korrupsiyaga duch kelganliklarini ta'kidladilar. Qizig'i shundaki, respondentlar savdo va xizmat ko'rsatish sohasida deyarli korrupsiyaga duch kelmaganlar.

"Boshqa" javob variantini ko'rsatgan respondentlarning 8%i quyidagilarni yozgan:

•        Yuqoridagi barcha sohalarda

•        Bir vaqtning o'zida bir nechta variantni tanlang

•        Adliya organlari, ro'yxatga olish idorasi

•        Bojxona

•        Soliq inspeksiyasi

•        Harbiy soha

•        Energetika sohasi

•        Ekologiya

•        Qishloq xo'jaligi, paxtachilik

•        Veterinariya xizmati

•        Moliya vazirligi, Pensiya jamg'armasi

•        Mehnat migratsiyasi agentligi, Mehnat vazirligi huzuridagi mehnat inspektsiyasi

•        Haydovchilik guvohnomasini olgandan so'ng, yo'l harakati xavfsizligi xizmati

•        Avtosanoat

•        Sport, sport federatsiyalari

•        Ichimlik suvi uchun, tabiiy gaz uchun qarzlarni hisoblashda

•        Jazoni ijro etish byurosi (MIB).

Korrupsiyaga eng kam Qoraqalpog’iston Respublikasi va Xorazm viloyatida uchrashgan – 26% respondentlar korrupsiya holatlariga duch kelmaganligini ta’kidlashdi. 

Prokuratura va ichki ishlar organlarida korrupsiyaga ko’proq Toshkent shahri va Toshkent viloyatidagilar duch kelishganini aytishdi – 14% va 12% respondentlar mutanosib.

Respondent tadbirkorlarning aksariyati prokuratura va ichki ishlar organlarida korrupsiya holatlariga duch kelishgan – 18%, kollej / litsey o'quvchilari esa bu sohada eng kam duch kelganlar – 4%.

So'ralgan tadbirkorlar (11%), davlat xizmatchilari (9%) va xizmat ko'rsatish xodimlari (7%) hokimiyatlardagi korrupsiya haqida shikoyat qildilar. Xuddi shu toifadagilar, shuningdek, qurilish, yer va kadastrdagi korrupsiyani qayd etgan – o'rtacha 7%i.

Sog'liqni saqlash tizimida eng ko'p ushbu soha xodimlarining o'zi korrupsiya holatlariga bilan duch kelgan – 19%, va ta'lim sohasida – OTM talabalari va ilmiy xodimlar – 31%.

Ishga joylashishda korrupsiyaga asosan duch keladiganlar: sog'liqni saqlash xodimlari (15%), o'qituvchilar, abituriyentlar, talabalar, o'qimayotgan yoki ishlamayotganlar – har biri 13%dan.

So'ralgan maktab o'quvchilari va kollej / litsey o'quvchilari orasida korrupsiyaga duch kelmaganlarning aksariyati – taxminan 30%.

U-Reportyorlarning 40%i korrupsiya to'g'risida prokuratura yoki militsiyaga murojaat qilish befoyda deb hisoblaydi. Shu bilan birga, 13%i o'zlari da'vo qilishi mumkin bo'lgan kishilardan qasos olish qo'rquvi sabab murojaat qilmaganliklarini, yana 12%i esa keyinchalik organlar tinch qo’ymasliklaridan cho’chib murojaat qilmaganliklarini aytdilar.

Respondentlarning atigi 4%i prokuratura va militsiyaga murojaat qilgan.

10% ko'proq ayollar, erkaklardan farqli o'laroq, korrupsiyaga duch kelmaganlar.

"Boshqa" javob variantini ko'rsatgan 5% respondentlar quyidagilarni yozdilar:

•        Agar korrupsiya holati bo'lgan bo'lsa ham, uni isbotlash qiyin bo'ladi, qo'llanilmaydi, chunki korrupsiyaning aniq dalillari yo'q edi (video, foto, audio va boshqalar).

•        Qo'shimcha "bosh og'rig'i" va huquqni muhofaza qilish idoralariga murojaat qilishda muammolar

•        Boshqalarga yomonlik qilishni istamaslik (poraxo'rning farzandlari va oilasi haqida o'ylash)

•        Korrupsiya to'g'risida shikoyatlar muvaffaqiyatsiz tugagani va shu sabab ular buni foydasiz deb hisoblashadi

•        Boshqalar korrupsiya holatlariga duch kelishgan

•        Birovni topshirish – bu mentalitetga to'g'ri kelmaydi

•        Vaqtni tejash va hujjatlarni rasmiylashtirishdan qochish uchun, bu haqda ma'lumot berish uchun arzimagan miqdordagi korrupsiya miqdori

•        Hammasi o'zaro kelishuv asosida bo’lgan.

U-REPORTYORLARNING BA’ZI FIKRLARI: (mualliflarning imlosi saqlanib qolgan)

Ariza berish to‘g‘ri, lekin korrupsiya bo‘yicha ariza berilgandan keyingi prosseslar ancha vaqt bosh og‘riq oladi shuning uchun ariza berish bir qancha bosh og‘riqlarni keltirib chiqaradi. Misol uchun amaliyotda ariza beriladi, qanaqa isboting bor zapis bormi, yana gaplash nima deydi aniqlik kiritish kerak, undan keyin delo, guvoh sifatida ming marta chaqiriladi va hakozo bosh og‘riqlar. Taklifim: pora talab qildimi tamom, Shu joyda ariza berish kerak shu kuni tadbir o‘tkazilishi va shu xodim qamoqqa olinib, ishdan bo‘shatilishi kerak.

Процедура долгая, вызывают без конца, все косо смотрят.

Barcha dalillar bilan murojaat qilganman. Lekin hech qanday chora koʻrilmadi

Из-за того, что не записала разговор на диктофон, не доказуемо.

Bir kishini javobgar qilish bilan korrupsiya yo’qolmaydi

Chaqmachaqarlik mentalitetimizga to'g'ri kelmaydi.

CHunki foydasi yo'q TANKA sini ishga solishadi  va ular aybsiz

Толка нету сам будешь виноватым, потому что скрытый круг работает сами не будут брать, а через других берут у них есть свои люди.

Habar bergandan foyda yuq. Korrupsiyada ayblanayotgan shaxs pora bilan jazodan qutilib qolaveradi har doim

Miqdor arzimas bo'lgan va bu haqida xabar berishni lozim topmaganman. Chunki vaqtdan yutishdan manfaatdorlik bo'lgan

Нет, не обращался никуда. Потом становлюсь белой вороной, и дела не решаться в коммунальных услугах. Для всех я становлюсь козлом и некто не поможет

Донос на взятку влечет другую взятку, зачем кормить правоохранительные органы?

Коррупция хамма сохада мавжудлиги учун фойдасиз деб уйлайман

Hudular kesimida, korrupsiya holatlari to'g'risida ochiq xabar berishga ko'proq Sirdaryo viloyatidagi respondentlar tayoyor – 28%. Toshkent va Namangan viloyatidagi respondentlar esa aksincha – eng kam soni bunga tayyor (22%). Poytaxtda respondentlarning 40%i korrupsiya to'g'risida ma'lumot berishga rozi, ammo anonim shakilda. Farg'ona vodiysida – Andijon, Farg'ona va Namangan viloyatlarida ko'pchilik bunga ishonmaydi va hech narsa o'zgarmaydi deb o'ylaydi – taxminan respondentlarning 30%i.

Agar respondentlarning mashg’ullik toifalari bo’yicha ko'rib chiqsak, korrupsiya holatlari to'g'risida xabar berishga eng tayyor toifa – OAV vakillari (jurnalistlar va bloggerlar) – 36%, shuningdek o'rta maktab o'quvchilari – taxminan 32%.

Boshqa barcha toifalarga qaraganda, korrupsiya to'g'risida anonim shaklda xabar berishga tayyorlar – davlat xizmatchilari, universitet talabalari, ta'lim va xizmat ko'rsatish xodimlari – taxminan 36%.

Eng pessimist respondentlar tadbirkorlar bo’ldi – ularning 34%i bu foydasiz va hech narsani o'zgartirmaydi deb hisoblaydilar.

Agar respondentlar korrupsiyaning guvohi bo'lishsa, ularning 28%i bu haqda Korrupsiyaga qarshi kurash agentligiga xabar berishadi. Ikkinchi o'rinda ommaviy axborot vositalari va bloggerlar – 19%. Prokuratura va Ichki ishlar vazirligi 18% bilan faqat uchinchi o'rinda.

So'rov ishtirokchilarining 15%i, hattoki taqdim etilgan variantlar bilan ham, korrupsiya faktlari to'g'risida qayerga murojaat qilish to'g'risida bir qarorga kelolmagan.

"Boshqa" javob variantini ko'rsatgan respondentlarning 4 foizi quyidagilarni yozgan:

•        Davlat xavfsizlik xizmatiga (DXX)

•        Bu befoyda deb hisoblaydi va korrupsiya to'g'risida shikoyat samaradorligiga ishonmaydi

•        Prezidentga (virtual qabulxona)

•        Bosh vazirga

•        Mansabdor shaxsning rahbariyatiga

•        Yaqin va tanish odamlar, do'stlar, qarindoshlarga

•        Xudoga (Alloh).

U-REPORTYORLARNING BA’ZI FIKRLARI: (mualliflarning imlosi saqlanib qolgan)

Даже если и сообщу, бестолку. Всё обернется против меня. У нас законы не работают. Только на словах и в бумагах.

А смысл? Если потом бесконечно будут дёргать тебя и это не влияет на общую ситуацию

Бесполезно, потом будут называть доносчиком или стукачом

Kimga etsamam befoyda. Oʻzim baloga qolaman. Xalqni qon qoniga singib yotibdi bu.

Постараюсь решить на месте в правовом поле и всеми законными мерами воздействия.

U-Reportyorlarning 44%i mamlakatda korrupsiyaga qarshi kurashish bo'yicha ko'rilayotgan choralar haqida bir oz xabardor va yana 23% respondentlar bu haqda hech narsa bilishmaydi.

Respondentlarning faqat 33%i ushbu sohada nima qilinayotganini aniq biladi.

Agar respondentlarning mashg’ullik toifalaridan nazar solsak: korrupsiyaga qarshi ko'rilayotgan choralar haqida ko'proq davlat xizmatchilari xabardor – 47%. O'qimayotgan va ishlamayotganlar, xizmat ko'rsatish xodimlari bu haqida eng kam xabardor bo’lgan qatlam – faqat 27%.

Qizig'i shundaki, sog'liqni saqlash xodimlari korrupsiyaga qarshi choralar to'g'risida boshqalarga qaraganda kamroq ma'lumotga ega – 44% bu savolga "Yo'q" javobini tanladilar.

Respondentlarning 35%i pora va tanishlar bilan ayrim masalalarni hal qilishga tizim majburlaydi deb hisoblaydi.

Respondentlarning 44%i hamma narsani qonuniy yo'l bilan bajarish yaxshi deb aytishdi. Ushbu savolga javobda gender bo’yicha farqlar topilmadi.

Respondentlar toiflalari nuqtai nazaridan, kollej / litsey o'quvchilarining aksariyati, shuningdek maktab o'quvchilari (har biri 8%) – qanday bo’lmasin ham, eng muhimi – bu masalani hal qilish deb hisoblashadi.

Shu bilan birga, sog'liqni saqlash xodimlari, davlat xizmatchilari va tadbirkorlar mavjud tizimni ayblashgan va ijobiy javob berishgan – ushbu toifadagi respondentlarning taxminan 40%i shunday fikrga ega.

Ommaviy axborot vositalari va nodavlat notijorat tashkilotlarning fikriga ko'ra, korrupsiya baribir yomon oqibatlarga olib keladi – respondentlarning taxminan 16%.

U-Reportyorlarning 18%i korrupsiyani kamaytirish uchun ish haqini oshirish kerak, deb hisoblashadi. Respondentlarning yana 14%idan tizimni o'zgartirishni va jazolarni kuchaytirishni taklif qilmoqda. Respondentlarning 12%ining fikriga ko'ra, byudjet mablag'larini sarflashda oshkoralik zarur.

Korrupsiyaga qarshi kurash agentligining tashkil etilishi va uning faoliyatini kuzatib boradigan respondentlar ko’proq Jizzax, Namangan va Buxoro viloyatlarida yashaydi – taxminan 28%. Shu bilan birga, respublika bo'yicha respondentlarning 62%i bunday Agentlikning tashkil etilishi haqida bilishadi, lekin u nima bilan shug'ullanishini bilishmaydi. Qizig'i shundaki, Toshkent shahri bunday Agentlikni tashkil etish to'g'risida eng kam xabardor bo'lib, unda respondentlarning 1/5 qismi bu haqda birinchi marta eshitganliklarini bildirishgan.

Respondentlar toifalari bo’yicha, Agentlikning tashkil etilganligi to'g'risida xabardor va uning faoliyatini kuzatib boradiganlar eng ko’pi bu – davlat xizmatchilari (37%). Agentlik haqida birinchi marta eshitayotganlar maktab o'quvchilari (29%), abituriyentlar va kollej / litsey talabalari – har biri 23%dan.

Siz korrupsiya guvohi bo‘lsangiz, yoki Sizdan noqonuniy ravishda pul talab qilinsa, prokuraturaning 1007 telefoniga murojaat qiling.

Shuningdek, Korrupsiyaga qarshi kurashish agentligi korrupsiya holatlari haqida xabar berish uchun maxsus sayt va mobil ilova ustida ishlamoqda. Ushbu platforma tez orada ishga tushishi kutilyapti. Sizga bu haqda xabar beramiz.

Izoh: Soʻrovlar natijasida olingan maʼlumotlar UNICEFning fikrini aks ettirmaydi, reprezentativ maʼlumotlar hisoblanmaydi va ushbu U-Report so’rovida qatnashgan respondentlarning fikrini aks ettiradi.