U-Report O’zbekiston Respublikasi Innovatsion rivojlanish Vazirligi bilan hamkorlikda Vazirlik huzurida Yoshlar akademiyasi tashkil etilganligi to’g’risida ma’lumot berish, shuningdek, yoshlar ushbu Akademiya doirasida nimalarni ko'rishni istashlari haqida fikrlarini bilib olish maqsadida so’rov o’tkazdi.

So’rov natijalari: Innovatsion rivojlanish Vazirligi huzuridagi Yoshlar Akademiyasi faoliyatini takomillashtirish uchun zarur.

So'rovnomada mamlakat bo'ylab deyarli 10 ming respondent qatnashdi, ulardan 38% ga yaqini ayollardir.

YOSHLAR AKADEMIYASI HAQIDAGI SO’ROVNING ASOSIY NATIJALARI:

1.       Respondentlarning 79%i Innovatsion rivojlanish vazirligi qoshida Yoshlar akademiyasi faoliyat yuritayotgani to'g'risida bilmagan.

2.       U-Reportyorlarning aksariyati (76%) Yoshlar akademiyasining a'zosi bo'lish istagini bildirdi.

3.       Respondentlarning 67%i Yoshlar akademiyasida yakka tartibdagi a'zolik ham ochilishi kerak, deb hisoblashadi.

4.       Erkak respondentlar Akademiyada uchta yo'nalishga ko’proq qiziqish bildirdi: dasturlash (22%), qayta tiklanadigan energiya (19%) va sun'iy intellekt (12%).

Ayollar uchun qiziqarli yo’nalishlar: dasturlash (16%) va farmasevtika (12%).

5.       Erkaklar birinchi navbatda “G’oyalar generatorlari” (28%) va “Biznes vakillari” (26%) platformalariga qiziqish bildirsa, ayollar ko'proq “Biznes vakillari” va “Bo’lajak akademiklar” platformalariga (har biri 27%) qiziqish bildirdi.

6.       Respondentlar Yoshlar akademiyasi faoliyatiga nimalarni kiritish kerakligi haqida o'zlari kutadigan yo’nalishlar bilan o'rtoqlashdilar: mahorat darslarini joriy qilish (24%), ishlab chiqarish bazasini yaratish (23%), chet ellik mutaxassislarning mentorligi (19%) va laboratoriyalardan foydalanish imkoniyati (13%).

Respondentlarning atigi 1/5 qismi Innovatsion rivojlanish vazirligi qoshidagi Yoshlar akademiyasining faoliyati to'g'risida bilishadi. Ushbu Akademiyaning mavjudligi haqida ko’proq Navoiy viloyatida bilishar ekan – 29%. Eng past xabardorlik Toshkent shahri va Toshkent viloyatida – taxminan 15%dan.

MA’LUMOT UCHUN: 2019-yil 30-avgustda Prezident qarori bilan Innovatsion rivojlanish Vazirligi huzurida Yoshlar Akademiyasi tashkil etildi. Akademiyaning vazifalari – innovatsion texnologiyalar, startaplar bilan shug'ullanadigan yoshlarni qo'llab-quvvatlash, ularga tadbirkorlar va hamkorlar bilan aloqa o’rnatishda yordam berish va b.

Akademiya a’zolari Akademiyaning laboratoriyalaridan foydalanish, chet el stajirovkalarida qatnashish va b. imkoniyatlarga ega. Akademiyaga a'zolik 40 yoshgacha bo'lgan talabalar, olimlar va tadbirkorlar uchun ochiqdir.

U-Reportyorlarning aksariyati (65%) Yoshlar akademiyasining a'zosi bo'lishni xohlashini, ammo buni qanday amalga oshirishni bilmaydi. Erkaklar bilan taqqoslaganda, ayol respondentlar a'zo bo'lish istagi bo'lsada, o'zlarini Akadimiyaga mos kelmasliklaridan qo’rqishadi (14% va 10%). Bundan tashqari, ayol respondentlar (7%) erkaklarga qaraganda (4%), innovatsion g'oyalar bera olmaslikdan cho’chishadi.

U-Reportyorlarning aksariyati (67%) yakka tartibdagi a'zolikni ochish g'oyasini qo'llab-quvvatlaydi. Aytish joizki, bunga ayollardan ko'ra ko'proq erkaklar tarafdor. Ayollar (22%) erkaklar bilan solishtirganda (16%) javob berishga qiynalgan yoki bu fikrni qo'llab-quvvatlamagan (17%).

So'rov natijalari Yoshlar akademiyasida soha rivojlantirishga bo’lgan qiziqishda ayrim yo'nalishlar ustuvorligi bo'yicha gender farqlarini ko'rsatdi. Erkak respondentlar uchun qiziqishning asosiy uchta yo'nalishi – bu dasturlash (22%), qayta tiklanadigan energiya (19%) va sun'iy intellekt (12%).

Ayollar uchun qiziqarli yo’nalishlar: dasturlash (16%) va farmatsevtika (12%).

"Boshqa" javob variantini ko'rsatgan respondentlarning 14% Yoshlar akademiyasini rivojlantirish uchun quyidagi yo'nalishlarni taklif qildilar:

1.       Ommaviy axborot vositalari, kino, musiqa va san'at, fotosuratlar, videofilmlar va rejissyorlik

2.       Maktabgacha / maktab / oliy ta'lim (tarix, ijtimoiy va gumanitar fanlar) va pedagogika

3.       Iqtisodiyot va tadbirkorlik, menejment va marketing, avtomobilsozlik va yuqori texnologiyalar sohalari, transport / logistika, moliyaviy savodxonlik, kimyo sanoati, blokcheyn, onlayn savdo, inson resurslarini boshqarish (HR)

4.       Ko'ngillilar / etakchilik

5.       Ijtimoiy soha / ijtimoiy qo'llab-quvvatlash

6.       Sportni rivojlantirish

7.       Turizm va chet tillari, tarjima xizmatlari

8.       Jurnalistika, blog yuritish

9.       Huquqshunoslik, xalqaro huquq va davlat boshqaruvi, inson huquqlari, siyosat

10.   Tibbiyot, farmatsevtika va biotexnologiya, onlayn tibbiyot,

11.   Qishloq xo'jaligi, chorvachilik / chorvachilik, qishloq xo'jaligi texnologiyasi

12.   Arxitektura, qurilish va dizayn

13.   Ekologiya

14.   Aniq fanlar, astronomiya.

Akademiyaning platformalarini tanlashda ham gender farqlar kuzatiladi. Erkaklar birinchi navbatda “G'oyalar generatorlari” (28%) va “Biznes vakillari” (26%) platformalariga qiziqish bildirishsa, ayollar ko'proq “Bo’lajak akademiklar” va “Biznes vakillari” platformalariga (har biri 27%) qiziqishadi.

“Startaplar” erkaklar va ayollar uchun eng kam qiziqish bildirgan platformadir (14%).

29% erkaklar Akademiya faoliyatida ishlab chiqarish bazasi yaratilishini istaydilar (ayollar orasida bu variant 15% ni tashkil etdi), 31% ayollar esa ko'proq mahorat darslarini o'tkazishni istaydilar (20% erkaklar bilan solishtirganda).

24% xotin-qizlar uchun chet ellik mutaxassislar mentorligi, erkaklardan (16%) farqli o'laroq, ko'proq ahamiyatga ega.

"Boshqa" javob variantini ko'rsatgan respondentlarning 4% quyidagilarni yozgan:

1.       Yuqorida aytilganlarning hammasi

2.       Silikon vodiysi tamoyiliga asoslangan to'laqonli klaster

3.       O'z biznesini rivojlantirish uchun pul mukofotlari bilan tanlovlar va grantlar tashkil etish

4.       Yoshlar o'rtasida ko'proq muloqot qilish va fikr almashish uchun seminarlar / ma'ruzalar / master-klasslar / konferentsiyalar / forumlar va boshqa tadbirlarni tashkil etish.

5.       Onlayn ta'lim va o'zbek tilidagi kurslar (dasturlash)

6.       Amaliyot va malakasini oshirishni tashkil etish (mahalliy va xorijiy)

7.       G'oyalarni amalga oshirish uchun imtiyozli kreditlar va boshqa moliyaviy yordam

8.       Sport sohasini rivojlantirish

9.       Dehqonchilik va chorvachilik.

U-REPORTYORLARNING BA’ZI FIKRLARI: (mualliflarning imlosi saqlanib qolingan)

Yuqorida keltirilgan barcha faoliyat bir birini to‘ldirib turadi... Bularni hammasi birdek muhim hisoblanadi! Sana o‘tilgan barchasini ko‘rishni hohlagan bo‘lardim! Taklifim Yoshlar akademiyasiga faqat tajribalilarga emas.... balki ilmga, innovatsiyaga ozgina bo‘lsa ham qizziqan yoshlarga imkoniyat berilsa... Ayni shu yoshlar ham ijobiy muhitda... Yashirin iqtidorlari rivojlangan bo‘lar edi!

Частое Проведение дебатов среди молодёжи, ибо в споре рождается истина

Chet el dashturlash ta'limi standartlaridan kam bo'lmagan o'zbek tilidagi dasturlash onlayn kurslarini. Qaytaraman, Chet el dashturlash ta'limi standartlaridan kam bo'lmagan...

Я бы хотел лишь консультацию по различным вопросам и обратную связь от экспертов (чтобы можно было предлагать идеи), никаких курсов. Также финансовую поддержку со стороны инвесторов

Manimcha bu pulni havoga sovurish, bunaqa akademiyalar birlashmalar yoshlarni o‘zini tashabbusi bilan tashkil qilinishi zarur bo‘lmasa " Bo‘ynidan bog‘langan it ovga yaramas" bo‘ladi. Va Kamolot Yoshlar ittifoqi yana bitta yangi chiqqani (nomi o‘zgarganidan so‘ng yo‘q bo‘lib ketti) kabi xalqni pulini sovurshdan boshqaga yaramaydi!

Yoshlar Akademiyasi haqida batafsil ma’lumot - https://yoshlarakademiyasi.uz/nizom/.

Yoshlar Akademiyasiga a’zo bo’lish uchun havola orqali o’ting: https://bit.ly/3hZAfNb

Izoh: Soʻrovlar natijasida olingan maʼlumotlar UNICEFning fikrini aks ettirmaydi, reprezentativ maʼlumotlar hisoblanmaydi va ushbu U-Report so’rovida qatnashgan respondentlarning fikrini aks ettiradi.