Yoshlar volontyorlik faoliyati haqida nimani bilishadi? Volontyorlikni qanday qilib tushunadi? Yoshlar volontyorlik/ko’ngilli
harakatlar va tashkilotlar faoliyati to’g'risida
qanchalik yaxshi ma'lumotga egalar? Ularga volontyor bo’lishlari uchun qanday motivatsiya kerak?
U-Report O’zbekiston yoshlar ittifoqi bilan hamkorlikda ushbu savollarga javob topish maqsadida so’rov o’tkazdi. Natijalar volontyorlikni rivojlantirish dasturini ishlab chiqish va mamlakatimizda volontyorlik faoliyatini kelajagi borligini aniqlash uchun kerak.
VOLONTYORLIK HAQIDA
SO’ROVNOMANING ASOSIY NATIJALARI:
1. Respondentlarning aksariyati (68%) ular volontyorlik nima ekanligini bilishlariga ishonishadi, respondentlarning 26% esa bu qanday faoliyat ekanligini bilishmaydi.
2.
U-Reportyorlarning yarmidan
ko’pi (58%) volontyorlikni "ezgulik uchun beg’araz mehnat" bilan
bog'lashadi. 14% "Vatan ravnaqi uchun yordam" variantini tanlashdi.
3.
Respondentlarning atigi
18% ular hozirda volontyor ekanliklarini aytishgan va bu variant barcha yosh toifalarida teng ravishda tanlangan. U-Reportyorlarning 1/3 qismi hech qachon volontyor bo’lmagan, shu bilan bir
vaqtda 1/4 qismi avval volontyor bo’lishgan, so’rov ishtirokchilarining 1/5 qismida volontyor bo’lish istagi bor, lekin buni qanday qilishni
bilmaydilar.
4.
Ta'lim loyihalari –
volontyorlik faoliyatning eng jozibali sohasi - respondentlarning 20% ushbu
variantni tanladilar. Ikkinchi o'rinda yoshlar bilan ishlash (17%).
5.
Qizig'i shundaki, ta'lim
sohasida volontyorlik qilish 35 yosh va undan katta yoshdagi respondentlar
uchun eng jozibali bo’ldi.
6.
So’rovda qatnashgan yoshlarning aksariyati (60%)
odamlarga yordam berish istagi ularni volontyorlik bilan shug’ullanishga undaydi deya e’tirof etishgan. Ikkinchi eng muhim rag'batlantiruvchi omil - bu o’z-o’zini rivojlantirish istagi (13%), uchinchi o’rinda bir jamoaning qismi bo’lish istagi (11%).
7.
38% respondentlarning
fikriga ko’ra, bugungi kunda
OTM talabalari ko’proq volontyor bo’lishadi. 10%dan quyidagi variantlar ega bo’ldi: kattalar (30 yoshdan katta), ishlayotgan yoshlar va maktab/ kollej o’quvchilari.
8.
U-Reportyorlarning fikriga ko’ra, jamiyat muammolariga befarqlik (24%), moddiy
imkoniyatlarning yo’qligi (21%), volontyorlik haqida cheklangan ma’lumotlar (18%), shuningdek volontyorlik mohiyatini tushunmaslik
(14%) O’zbekistonda volontyorlikni rivojlantirishdagi asosiy
to’siqlardir.
9.
Respondentlarning
aksariyati (92%) O’zbekistonda volontyorlikni rivojlantirish kerak,
deb hisoblashadi.
10.
U-Reportyorlarning
aksariyati (73%) jamiyatdagi mavjud muammolarni volontyorlarni jalb qilgan
holda hal qilish mumkin deb o’ylashadi.
Respondentlarning aksariyati (68%) volontyorlik nima ekanligini bilishini qayd etgan, respondentlarning 26% bu qanday faoliyat ekanligini bilishmaydi. Qizlar (73%) yigitlarga (66%) qaraganda volontyorlikni tushunishga
ko’proq ishonch bildirdilar. Yosh guruhlari
orasida 31-34 yoshdagi respondentlar eng ko’p "Ha" javobini tanladilar - bu ushbu toifadagi barcha respondentlarning 70%ni tashkil qiladi.
U-Reportyorlarning yarmidan ko’pi (58%) volontyorlikni
"ezgulik uchun beg’araz mehnat" bilan bog'lashadi. 14% "Vatan
ravnaqi uchun yordam" variantini tanlashdi. Respondentlarning 8%i buni qisman haq to'lanadigan ish deb
hisoblashadi.
2%"Boshqa" javobini tanlagan
respondentlarga ular volontyorlikni qanday anglashini so’radik va quyidagi javoblarni oldik:
1. Bir nechta javob variantlarini
tanlashdi.
2. Insonparvarlik (insonoylik/odamgarchilik) va foyda olish uchun hech
qanday manfaatlarsiz jamiyatning muhtoj va himoyasiz qatlamlariga ixtiyoriy va beg’araz yordam ko’rsatish qobiliyati.
3. Boshqa odamlarning mehnatidan
bepul foydalanish, boshqacha qilib aytganda, "bepul ish kuchi" yoki ba'zilar uchun "yugirdak" va "topshiriqlarni bajaruvchi" xodim.
4. Bor imkoniyatlaridan keng va oqilona foydalanish.
5. O'z pozitsiyasini himoya
qilish.
6. Malaka oshirish va tajriba orttirish.
7. Beg’araz mehnat, ammo qulay imkoniyatlardan foydalanish sharti bilan.
8. Loyihalarga qarab, volontyorlar mehnati to'lanishi yoki to'lanmasligi mumkin.
9. Sport musobaqalari paytidagi volontyorlik.
10. O'z xohishi bilan ma'lum bir
ishni bajarish uchun javobgarlikni o'z zimmasiga/bo’yniga
olish.
11. O'zini ko’z-ko’z
qilish/namoyish etish.
Ma’lumot
uchun: umumiy
aytganda, ko'ngillilik/volontyorlik mohiyati – bu yordamga yoki qo'llab-quvvatlashga
muhtoj bo'lganlarning manfaati uchun ixtiyoriy, beg'araz xizmat/mehnat.
Respondentlarning atigi 18%i hozirda volontyor ekanliklarini aytishgan va bu variant barcha yosh toifalarida teng ravishda tanlangan. U-Reportyorlarning 1/3 qismi
hech qachon volontyor bo’lmagan, shu bilan bir vaqtda 1/4 qismi avval volontyor bo’lishgan, so’rov ishtirokchilarining 1/5 qismida volontyor bo’lish istagi bor, lekin buni qanday qilishni bilmaydilar.
Respondentning
yoshi qanchalik katta bo’lsa, shunchalik hech qachon volontyorlik qilmaganligi to'g'risida ko’proq javob
berishgan. Shunday
qilib, masalan, 35 va undan
katta yoshdagi guruhlarda respondentlarning 41% hech qachon volontyor/kon’gilli bo'lmagan.
Ta'lim loyihalari – volontyorlik faoliyatning eng jozibali sohasi - respondentlarning 20% ushbu variantni tanladilar. Ikkinchi
o'rinda yoshlar bilan ishlash (17%). Bolalar va qariyalar uchun yordam – ushbu variantni 15% respondentlar
tanlashgan (shu bilan birga, 15-19 yoshdagi yoshlarning atigi 14% bu sohani tanlashgan).
Qizig'i shundaki, ta'lim sohasida volontyorlik
qilish 35 yosh va undan katta yoshdagi respondentlar uchun eng jozibali bo’ldi.
O’zining javob varinatini tanlagan 6% U-Reportyorlar volontyorlik qilishni istagan
quyidagi sohalarni qayd etishdi:
1.
Hech qanday sohada
2.
Yuqoridagi barcha sohalarda yoki bir nechta
sohalarda
3.
U-Reportda
4.
O’zbekiston yoshlar ittifoqida
5.
Qizil Xoch, UNICEF va BMTning boshqa mamlakatlardagi idoralarida
6.
Tarjimonlik, turizm, chet ellik
sayyohlarni jalb qilish
7.
Noqonuniy baliq ovlash bilan
shug’ullaniyotgan brakonyeralrni jazolash sohasida, shuningdek tabiiy resurslar va hayvonlarni muhofaza qilish va ko’kalamzorlashtirish sohasida
8.
Kam ta'minlanganlarga,
boquvchisini yo'qotgan bolalar va qariyalarga yordam berish
9.
Og'ir kasallikka
chalingan bemorlarga mablag to’plashda yordam berish, aholini nogironligi bor
insonlarga g'amxo'rlik qilishning ahamiyati to’g'risida ma'lumot berish
10.
Fuqarolarning huquqiy
madaniyati va savodxonligini oshirish maqsadida odamlar tomonidan o'z
huquqlaridan foydalanishda huquqiy yordam / ko'maklashish sohasida
11.
Sport tadbirlari /
musobaqalarini o'z ichiga olgan holda tadbirlarni tashkil qilish
12.
Siyosiy tadbirlarda
siyosiy volontyorlik/ko'ngillilik
13.
San'at va madaniyat
sohasida
14.
Ilm-fanning rivojlanishi,
shuningdek, axborot texnologiyalari va dasturlash sohasida
15.
Tibbiyot sohasida,
sog'liq va farovonlik
16.
Masjidlar va diniy
muassasalarga yordam berish sohasida
17.
Ayollar bilan ishlash
(yolg'iz onalar, mushkul hayot sharoitlaridagi qizlarga yordam berish va boshqalar), ayollar klubini yaratish
18.
Biznes va tadbirkorlik faoliyatida va boshqa sohalarda.
So’rovda qatnashgan yoshlarning aksariyati (60%)
odamlarga yordam berish istagi ularni volontyorlik bilan shug’ullanishga undaydi deya e’tirof etishgan. Ikkinchi eng muhim rag'batlantiruvchi omil -
bu o’z-o’zini
rivojlantirish istagi (13%), uchinchi o’rinda bir jamoaning qismi bo’lish istagi (11%).
“Boshqa” javob variantni tanlagan U-Reportyorlarning 5%idan ularni volontyorlik faoliyatiga undovchi o’zlarining sabablarini yozishni so’radik va quyidagi javoblarni oldik:
1.
Yuqoridagi barcha yoki bir nechta javoblar
2.
Jamiyat uchun foydali bo’lish, dunyoqarashni yaxshilash, odamlardagi ishonchni tiklash, kimgadir quvonch
bag'ishlash, hamfikr odamlar
guruhini topish
3.
Diniy omillar, savob, insoniylik,
Allohdan savob olish umidi
4.
Sertifikat olish
5.
Shunchaki dunyoni yaxshiroq qilish istagi
6.
Mehribonlik, insoniy fazilatlar, tabiatga, odamlarga, jonivorlarga bo'lgan muhabbat
7.
Bu dunyoga va hayotga
ongli munosabat
8.
Vaqtni boy bermaslik va
boshqalarga mavjud imkoniyatlardan to'liq foydalanishga o’rgatish
9.
Tajriba orttirish, yangi
odamlar bilan tanishish istagi
10.
"Rezyumedagi bir qator", ya'ni volontyorlik ko’pincha turli xil ta'lim maqsadlarida yaxshi
rezyume uchun odamlarga kerak bo’ladi (ishga va universitetga kirish uchun rezyumedagi ma’lumotni to’ldirish uchun)
11.
Atrof-muhitga yordam
berish va tabiatni himoya qilish istagi
12.
Vatanparvarlik tuyg'usi
va o’z vatanining
rivojlanishiga yordam berish istagi
13.
Jamiyatda noto'g'ri yo’lda yurgan odamlarga yordam berish,
hayotdagi yaxshi narsalar bilan bo’lishish, bir-birlari bilan munosabatlarda iliqlik
yaratish.
14.
Boshqalarga kerak ekaningizni his qilish/tuyg’usi
15.
Jamiyatni yaxshi tomonga
o’zgartirish va bu
dunyoni yaxshiroq joyga aylantirish istagi
16.
Volontyorlik faoliyati orqali etakchilik fazilatlarini va boshqa ko’nikmalarni rivojlantirish istagi, masalan,
ommaviy nutqda notiqlik, o’z fikrlarini mohirona ifoda etish va boshqalar.
38% respondentlarning fikriga ko’ra, bugungi kunda OTM talabalari ko’proq volontyor bo’lishadi. 10%dan quyidagi
variantlar olishdi: kattalar (30 yoshdan katta), ishlayotgan yoshlar va maktab/ kollej o’quvchilari.
45% ayol respondentlar (34% erkaklarga
nisbatan) OTM talabalari boshqalarga qaraganda eng ko’p volontyorlik faoliyati bilan
shug’illanishadi deb hisoblashadi. Yosh toifalari orasida 20-24 yoshdagi respondentlarning
deyarli yarmi universitet talabalari eng ko’p volontyorlik faoliyati bilan shug’ullanishadi deb hisoblashadi.
U-Reportyorlarning fikriga ko’ra, jamiyat muammolariga befarqlik (24%),
moddiy imkoniyatlarning yo’qligi (21%), volontyorlik haqida cheklangan ma’lumotlar (18%), shuningdek volontyorlik mohiyatini
tushunmaslik (14%) O’zbekistonda volontyorlikni
rivojlantirishdagi asosiy to’siqlardir.
Shunda erkaklar (24%) uchun
moddiy imkoniyatlar yetishmasiligi mamlakatda volontyorlikni rivojlantirishga
xalaqit beradigan asosiy omillardan biri deb aytilgan bo’lsa, ayollarning (25%)
fikriga ko’ra asosiy to’siqlardan odamlarning ijtimoiy
muammolarga befarqligi deb hisoblashar ekan. Katta yosh guruhidagi respondentlar cheklangan moddiy
imkoniyatlar va odamlarning ijtimoiy muammolarga befarq bo'lishlarini
volontorlik bilan shug’ullanishga ga xalaqit berayotgan asosiy omillar sifatida ta'kidladilar.
"Boshqa" variantini tanlagan
respondentlarning 4%i O’zbekistonda volontyorlik faoliyatni rivojlantirish yo’lidagi
mavjud to'siqlar to’g'risida o’z fikrlarini aytdilar:
1.
Yuqoridagi barcha
javoblar
2.
Oilaviy sabablar:
ba'zida ota-onalar o’z farzandlariga volontyorlik maqsadida turli shaharlarga
borishga ruxsat bermaydilar, boshqacha qilib aytganda, ota-onalarning volontyorlik
haqida xabardorligi yo’qligi tufayli qo'llab-quvvatlamaydilar.
3.
Xayriya
tashkilotlarini tashkil etishdagi qiyinchiliklar, volontyorlar/ko’ngillilar
guruhlarining bo’linishi, shuningdek bunday tashkilotlarning cheklangan
moliyaviy (grant / homiylik) yordami
4.
Volontyorlarga
e'tiborning etishmasligi va hukumat organlari tomonidan ko’ngillilariga yordam
etishmasligi
5.
O’zbekistonda ushbu
masalalarni tartibga soluvchi volontyorlik faoliyat to’g'risidagi qonunning yo’qligi
6.
OTMda o’qish uchun
vaqt yetishmasligi, shuningdek, o’qishdan keyin haq to'lanadigan ishda ishlash
kerakligi
7.
Aholi madaniyatining
past darajasi
8.
Ixtiyoriy va majburiy
mehnat o'rtasidagi farq va chegarani aniqlashdagi qiyinchiliklar.
VOLONTYORLIKNI
RIVOJLANTIRISH TO’SIQLARI HAQIDA U-REPORTYORLAR FIKRI:
“Asosan ko'ngillilar guruhining tarqalishi
bilan bog'liq juda ko'p muammolar mavjud, birlik yo'q. Ko'p jihatdan, yoshlar tajribaga ega emaslar. Odamlar bilan
bilim va muloqot qobiliyati yoki o'zini tuta bilish.”
"Volontyorlik
faoliyatiga homiylik zarur: oziq-ovqat va veterinarlar hayvonlar uchun boshpanalarda, uysizlar uchun oziq-ovqat va hokazo. Hozir hamma g’amxo’r fuqarolar yordamida amalga oshirilmoqda."
“Ko'pchilik volontyor/ko'ngilli bo'lish nimaligini bilishmaydi! Ular kim va ular
nima qilmoqdalar. Bu ishsiz odamlar yoki majburan talabalar ekanligiga
ishoniladi. Odamlar ko’p narsalarni payqamaydilar va agar ular sezsalar, qayerga murojaat
qilishni va hamfikrlarni topishni bilishmaydi, yoki qo’rqishadi. Albatta, qonunni qabul qilish bu yaxshi narsa, lekin odamlar tushunib, bilib olishlaridan keying qonunni qabul qilish kerak. "
“Mani bilishimcha, volontyorlarning asosiy
qismi talabalar, hozir esa universitetda o‘ta qattiq tartib o‘rnatilganki,
kasal bo‘lsang ham darsga kelib, davomat uchun o‘tirishing kerak. Mustaqil
rivojlanish uchun imkoniyat yetishmaydi. Talabalarga tanbeh beravermasdan,
ularga ham erkin faoliyat uchun biroz sharoit yaratib berish kerak.”
“Volontyorlik haqida tuzukroq tushuncha yo'q
taklif qiluvchida ham qabul qilinuvchida ham, volontyorlik togrisida qonun ham
yo'q bundan tashqari qiziqarli va foydali xalqaro volontyorlar forumlarida
qatnashish va tajriba oshirish uchun fond ham yo'q...”
“Volontyorlik uchun qonun shart emas! Bu
ixtiyoriy ish unda nima keragi bor koʻngilli yordam berishni qonun bilan
belgilab qoʻysa! Unda majburiy ishdan farqi qolmaydi!"
"Odamlar o'z budjetini ta'minlay
olishmayapti, shu sabab hozir faqat pul topishnigina o'ylashga ularda asosli
sabablar bor”.
“Ishni stabil emasligi. Maoshni yetarli
emasligi. Ish soati ertalabdan kechgacha... Maosh esa doimiy mehnatni talab
qiladi, agar kamroq ishlasangiz oylik xarajatlarga yetmay qoladi... Qolgan
sabablar keyingi o'rinlarda...”
“Odamlarni topgani o'ziga yetmaydi. Oylik juda
juda juda past. Hozir hamma o'z ehtiyoji uchun harakat qilyabdi. Volontyorlik
qilishga vaqt yo'q. Bo'sh vaqt topilsa hamma qo'shimcha ishlashga harakat qiladi”.
"Volontyorlikmi mamlakat aholisining 70% -80% kamida eng MINIMAL ehtiyojlari qondirilgandan KEYINGINA amalga oshirish mumkin. Bizning POYTAXTIMIZDA esa suvni o'chiradilar, viloyatlarda gaz va yorug'lik yoq. Bunday vaziyatda volontyorlikni rivojlantirib bo’lmaydi”.
«KORRUPSIYA. Yoshlarni poraxo'r amaldorlar
bo'g'ib tashlamoqda. Yoshlarda rivojlanishga qiziqish yoq, faqat pul topishni
o'ylaydi chunki harakatdan foyda yoq sudyani bolasi sudya boladi diplomatni
bolasi diplomat. Shuning uchun ham volontyorlik qaysidir poroxorni foydasiga
ishlashini hamma biladi. Bu so'rovlarni ham aytarlik kimdir o'qishiga shubham
bor. Xo'jako'rsinga».
“Yoshlar jamiyat ravnaqi uchun fidoyi va
samimiy harakatlari ularning intellektual aloqa qobiliyatlarini,
shuningdek, kelajakda zarur bo'lgan emotsional aqlni (yumshoq ko'nikmalarni, ingliz tilida “soft skills”) qanday rivojlantirishini anglamaydilar. Shuningdek, volontyorlik ularga qaysi sohada o'z iste'dod va
qobiliyatlarini namoyish etishni tanlashda yordam beradi”.
“Baxtli va minnatdor bo'lish qobiliyati yo’qligi. O’zi baxtsiz bo’lgan odam boshqalarga beg’araz yordam bermaydi ...”
Respondentlarning aksariyati (92%) O’zbekistonda volontyorlikni rivojlantirish
kerak, deb hisoblashadi. Shu bilan birga, erkaklarga (90%) qaraganda, buni ayollar ko’proq istaydi (94%). Erkaklarning 4% buni keragi yo’q deb hisoblashadi (1% ayollar bilan
solishtirganda). Respondentning yoshi
qanchalik katta bo'lsa, u "javob berish qiynalyapman" variantini tanlashga moyil.
U-Reportyorlarning aksariyati (73%)
jamiyatdagi mavjud muammolarni volontyorlarni jalb qilgan holda hal qilish mumkin deb o’ylashadi. 14% buni volontyorlar/ko’ngillilar yordamida amalga oshirish mumkin emas deb hisoblashadi va 13% bu
savolga javob berishni qiyinalishgan. Qizlar bunga ko’proq ishinishadi – ularning 77% ko’ngillilar ishtirokida ijtimoiy muammolarning yechimini
topish mumkin deb hisoblashadi, 71% yigitlarga qaraganda.
Qizig'i shundaki, respondentlarning yoshi o’sishi bilan ko’ngillilarni jalb qilgan holda mavjud muammolarni ijobiy
hal etish ishonchi pasaymoqda. Shunday qilib, masalan, 15-19 yoshdagi U-Reportyorlarning 78% bunga ko’ngillilar ko’magida erishish mumkin deb hisoblasa, 35 yosh
va undan katta yoshdagi respondentlarning atigi 65% buni amalga
oshirish mumkin deb o’ylashadi.