YOSHLAR / МОЛОДЕЖЬ
Britaniya Kengashining Telegram kanali qanday bo’lsin?
Oct. 1, 2019
TOMONIDAN U-REPORT JAMOASI
Ko'proq o'qish uchun sahifani tepa-pastga yurgizing

HIKOYA DAVOM ETADI

So'rovnomaning asosiy maqsadi, Britaniya Kengashining O'zbekistondagi axborot-kommunikatsiya kanali haqida yoshlarning xohishlari haqida ma'lumot olish edi. So'rovnoma natijalari O'zbekistondagi Britaniya Kengashining Telegram kanaliga kontent tayyorlash uchun kerak bo’ladi.

Britaniya Kengashi - madaniyat va ta'lim sohasida turli loyihalarni (shu jumladan, IELTS imtihonini) amalga oshiradigan xalqaro tashkilot.

So'rovnomada Respublika bo'ylab 4500 dan ortiq respondentlar ishtirok etdi.

BRITANIYA KENGASHINING TELEGRAM KANALI HAQIDA O'TKAZILGAN SO'ROVNOMANING ASOSIY NATIJALARI:

1.      Respondentlarning 1/3 qismidan ko'prog'i (35%) Britaniya Kengashining Telegram kanali  uchta tilda: ingliz, o'zbek va rus tillarida bo'lishini xohlaydi.

2.      39% respondentlar Britaniya Kengashining Telegram kanalidan kuniga bir marta ma'lumot olishni xohlashadi, ikkinchi o'rinda esa – “kuniga bir necha marta” varianti.

3.      59% respondentlar Britaniya Kengashining Telegram kanali har xil formatda bo'lishi kerak, deb hisoblashadi, jumladan, matn, audio, video, rasmlar va hk.

 

Respondentlarning 1/3 qismidan ko'prog'i (35%) Britaniya Kengashining Telegram kanali  uchta tilda: ingliz, o'zbek va rus tillarida bo'lishini xohlaydi. Shu bilan birga, ayollar (40%) bu tanlovni erkaklarga (31%) qaraganda ko'proq afzal ko'rishdi.

Respondentlarga shuningdek - Bu kanalda Siz qanday content/malumotlarni korishni istaysiz? – degan savol ham bir-necha javob variantlari bilan berildi. Sorovnoma ishtirokchilarining xohish-istaklari quyidagicha taqsimlandi:

1)     Barcha ko’rsatilgan variantlar – 59%

2)     Ingliz tilini o’rganish maslahatlari – 15%

3)     IELTS bo’yicha foydali ma’lumotlar – 8%

4)     Britaniyada ta'lim olish haqida – 7%

5)     British Council ning loyihalari – 5%

6)     Boshqa (yozing)– 5%

7)     Britaniya haqida ma'lumotlar – 2%

"Boshqa" variantini tanlagan 5% qatnashchilar British Council kanalida ko'rishni istagan quyidagi kontentni taklif qilishdi:

1)     Ingliz tilini o'qitish uchun alohida dasturlar: tizimli, o'yin ko’rinishida, animatsion va boshqalar.

2)     Britaniyadagi universitetlar, maktablar va kollejlar to'g'risida ma'lumot.

3)     Britaniya o'qituvchilari tomonidan ingliz tilini o'qitish uslubi, o'qitishda qo'llaniladigan innovatsion usullar.

Shuningdek: grantlar, ta'lim almashinuv dasturlari, Britaniyaning milliy o’ziga hos xususiyatlari va ta'lim tizimi, turizm, narxlar, sport, sog'liqni saqlash tizimi, Britaniya va O'zbekiston haqidagi qiyosiy ma'lumotlar, kulgili videolar, shuningdek, Britaniya Kengashining O'zbekistondagi tadbirlari, seminarlari va h.k.

 

 Respondentlarning 39 %i Britaniya Kengashining Telegram kanalidan kuniga bir marta ma'lumot olishni afzal ko'rishdi, 33 %i kuniga bir necha marta ma'lumotlarni olishga tayyor. Shu bilan birga, "kuniga bir necha marta" variantini ayollarning atigi 26 %i tanlagan bo'lsa, erkaklar orasida bu ko'rsatkich 34 %ni tashkil etdi.

59% respondentlar Britaniya Kengashining Telegram kanalining kontenti ko'p formatli bo'lishi kerak deb hisoblashadi. 16% "matnni ustida rasm " formatini afzal ko'rdi.

Yosh toifalariga ko'ra, faqat 14 yoshdagi respondentlarni ajratib ko'rsatish mumkin, chunki ular rasmlarni (17%) yoki rasmdagi matnni (25%) afzal ko'rishishini bildirgan. Qolgan yosh guruhlari orasida yuqorida ko'rsatilgan umumiy tendentsiyadan sezilarli ustunliklar yo'q.

U-Reporterlarimizga javoblar uchun rahmat. Sizning fikringizga asoslanib, biz Britaniya Kengashiga Telegram kanalini yoshlar uchun qulay va foydali qilishga yordam beramiz. Agar siz Britaniya Kengashining ushbu kanaliga qiziqsangiz – https://t.me/British_Council_Uz  orqali qo’shiling.

____________________________________________________________________________________________