So’rov hamkori “Taraqqiyot strategiyasi” markazi bo’ldi. So’rovda 650 dan ortiq yoshlar ishtirok etishdi.
Bunda, amalga oshirilayotgan islohotlar haqida 25 va undan yuqori yoshdagi ishtirokchilar ko’proq xabardor bo’lib chiqishdi – ularning 46 % juda yaxshi xabardor ekanliklarini aytishdi; vaholanki, 24 yoshgacha bo'lgan yoshlar orasida bu ko'rsatkich 23 % tashkil etdi.
Ishtirokchilar o’zlari yoki atrofdagilariga nisbatan qanday ijobiy o’zgarish sezganliklari to’g’risidagi savol asosida, 8 ta asosiy yo’nalishlar aniqlab olindi:
1.
Ta’lim sohasida rivoj (OTMlarga kirish, sirtqi bo’limlar ochilishi, maktablarda 11-yillik ta’limga o’tilishi, prezident maktablarini ochishga oid rejalar va b.)
2.
Shahar va qishloqlardagi infratuzilmalarni yaxshilanishi
– “Obod mahalla” dasturi, maktablar rekonstruksiyasi, yo’llar holatining yaxshilanishi va b.
3.
O’qituvchilar mavqeining ko’tarilishi: o’qituvchilarga e’tibor oshishi, ularning oyliklari oshishi, majburiy mehnatdan xalos etilishi va b.
4.
Ijtimoiy sohada yaxshilanishlar, kommunal xizmatlar sifatinining oshirilishi, naqd pul bilan hisob-kitob jarayonini soddalashtirilishi, turmush sifatining oshirilishi.
5.
Yoshlarga nisbatan e’tibor kuchayishi va ularga turli imtiyozlar berilishi, uy-joy uchun qulay kreditlar va b.
6.
Korrupsiya darajasini pasayishi, OAVning
erkinlashtirilishi.
7.
Huquqiy ong o’sishi va joylarda qonun
ustuvorligining mustahkanishi.
8.
Biznesni rivojlantirish uchun imkoniyatlar,
valyuta konvertatsiyasining ochilishi, bank xizmatlari sohasida yaxshilanishlar.
U-Reportyorlar
bergan javoblar orasida quyidagilar bor edi:
“Pedagog sifatida meni va mening kasbdoshlarimni ko’cha supurish va
tozalashga jalb qilishmayapti, o’qish paytida biz paxta terishga bormadik. Biz
o’z ishimiz bilan mashg’ul bo’ldik. Men o’z kasbimdan faxrlana boshladim. Menda darslarga tayyorlanish uchun vaqt bor.
Amalga oshirilayotgan islohotlar tufayli osoyishta muhitni his qila boshladim”.
“U-Reportga o’xshash loyihalarning
ochilishi – insonni quvontiradi! Yoshlarni qo’llab-quvvatlash bo’yicha loyihalar
amalga oshirilmoqda. Albata, yoshlar bunday islohotlardan mamnun”.
“Men pedagogman va o’qituvhcilarga berilayotgan e’tibor –
quvontirmasdan qo’ymaydi. Biz, o’z navbatida, bolalarni o’qitish va ularni ezgu
insonlar qilib o’stirish uchun bor kuch va imkoniyatimizni ayamaymiz”.
“Matbuot kuchini his
qildik – sud jarayonida yutib chiqdik!”
“OTMga shu yil hech qanaqa pora yoki tanish-bilishlarsiz kirdim”.
“Poliklinikalarda pul
surashmay qo’yishdi. Medisina sohasida ancha yaxshi o’zgarishlar.”
Islohotlar salbiy o’zgarishlarga
olib kelishdi deb javob bergan ishtirokchilarga (so’ralganlarning 5 %), ular
nima uchun bunday deb hisoblashadi,
degan savol berildi va quyidagi natijalar olindi:
1.
Mahsulot va xizmatlar narxlarining oshishi.
2.
Katta byurokratiyani keltirib chiqaruvchi,
oxiriga yetkazilmagan islohotlar.
Aholi va davlat organlari o’rtasidagi munosabatlardagi o’zgarishlar to’g’risidagi savolga ham yoshi 25 va undan yuqori bo’lganlar o’rtasida yuqoriroq ijobiy baholash tendensiyasi kuzatildi: ularning 40 % ijobiy baho berishdi. Vaholanki, 24 yoshgacha bo’lganlarning atigi 20 % aynan shu toifani ijobiy baholashgan.
Olingan javoblar naitjalari “Taraqqiyot Strategiyasi” markaziga, ular va Hukumat bu natijalarni, 2019 yil Davlat dasturini shakllantirish jarayonida hisobga olinishi uchun beriladi.
