Hamkor: Xalqaro mehnat tashkiloti (XMT)

Maqsad: yoshlar aholining ijtimoiy himoyasi haqida xabardorligi va istaklarini, hamda ishga joylashish bo’yicha fikrlarini aniqlash

So'rov natijalari O'zbekistonning ijtimoiy himoya strategiyasini ishlab chiqishda ishlatiladi.

Xalqaro mehnat tashkiloti (XMT) Birlashgan Millatlar Tashkilotining O‘zbekistonda

ijtimoiy himoyani mustahkamlash bo‘yicha Qo‘shma dasturining amalga oshiruvchilaridan biri

sifatida O‘zbekiston hukumati bilan ijtimoiy himoya bo‘yicha milliy strategiyani ishlab

chiqishda hamkorlik qilmoqda.

Inklyuzivlik va ko‘p manfaatdor tomonlarni jalb qilish strategiyani ishlab chiqishda kuzatiladigan asosiy prinsiplardan biridir. Turli ijtimoiy

guruhlar va ularning manfaatlarini ifodalovchi ijtimoiy sheriklar va fuqarolik jamiyati

tashkilotlarining ishtiroki odamlar hayoti davomida boshdan kechirishi mumkin bo‘lgan turli

o‘tishlarni to‘liq eʼtirof etishi va ijtimoiy himoya siyosati tomonidan hisobga olinishini

taʼminlash uchun juda muhimdir. Bular hayot siklining o‘tish davrlari bo‘lib, ijtimoiy

himoya yosh ayollar va erkaklarning taʼlimdan ishga o‘tishini muvaffaqiyatli boshqarishini,

oilalar yosh bolalarga g‘amxo‘rlik qilishni uddalashini, mehnatga layoqatli aholining kasblar

va tarmoqlar o‘rtasida o‘tishini amalga oshirishini va odamlar nafaqaga chiqib, munosib

yashashlarini taʼminlashi mumkin.

Ijtimoiy himoya, shuningdek, tizimli o‘tish davrlarini,

ayniqsa bandlikning o‘ta norasmiy va tartibga solinmagan shakllaridan va iqtisodiy

birliklardan rasmiy iqtisodiyotga o‘tishni, shuningdek, iqtisodiyotning yashil, parvarish

va raqamli tarmoqlarida munosib ish topishni, shuningdek, moliyalashtirishning barqaror

shakllarini taʼminlashni hisobga olishi kerak.

Yoshlarning fikrlari, tajribalari va intilishlari ayniqsa muhimdir, chunki hozirda ishlab

chiqilayotgan siyosat ularning hozirgi holatiga ham, kelajagiga ham taʼsir qiladi. Markaziy

Osiyodagi aholisi eng ko‘p bo‘lgan O‘zbekistonda 35,2 mln. kishi istiqomat qiladi, ularning

18 mln. nafari 29 yoshgacha, bu esa Yevropa va Markaziy Osiyodagi yeng yuqori mutlaq yoshlar soni

(Jahon banki, 2021). Yuqori demografik dividendlar munosib ish o‘rinlarini yaratadigan va

mehnat resurslarini safarbar qiladigan, shuningdek, yoshlar duch keladigan ishonchsizlikni

oldini olish yoki yumshatish uchun o‘tish davriga qaratilgan ijtimoiy himoya choralarini taklif

qiladigan siyosatning tegishli birikmasidan kelib chiqadi.

Ushbu U-Report so‘rovi yoshlarning ijtimoiy himoya va bandlikka ko‘maklashishni qanday idrok qilishini

ko‘rsatish uchun ishlab chiqilgan. 14 000 dan ortiq respondent anketani to‘ldirishni boshladi,

shulardan 8 708 nafari esa savollarning kamida yarmiga javob berdi. Ushbu hisobot savollarning

kamida yarmiga javob berganlarning javoblarini taqdim etadi. So‘rovnomani birinchi yarmi (4

ta savol) ijtimoiy himoya va uni yoshlar tomonidan idrok etilishi bilan bog‘liq. So‘rovnomani

ikkinchi yarmida (3 ta savol) bandlikka oid savollar berildi. Maqsadli respondentlarning yoshi

va so‘rovning onlayn xususiyati tufayli so‘rov yettita savol bilan cheklangan.

To'liq so'rov natijalarini XMT tomonidan tayyorlangan tahlilda - PDF Ilovasida o'qing.