Mulohazalar Hikoyalar Haqida Mashg'ullik Hozir qo'shiling
STORY
Jamiyatimizda jonivorlarga munosabat qanday?

U-Report "Mehr va Oqibat" jonivorlarni himoyalsh jamiyati bilan hamkorlikda yoshlarning tutqunlikdagi va, umuman olganda, jonivorlarga bolgan munosabatini bilish maqsadida sorov otkazdi.

So’rov natijalari jonivorlarga nisbatan g’amxo’r bo'lishga chorlash, shuningdek huquqiy hujjatlarni ishlab chiqishda qo'llaniladi.

So'rovda mamlakat bo'ylab 9775 respondent ishtirok etdi, ulardan 41% ayol respondentlardir.

JONIVORLARGA MUNOSABAT HAQIDAGI SO'ROVNING ASOSIY NATIJALARI:

1.       U-Reportyorlarning 46%i jonivorlarni juda yaxshi ko'rishlarini, yana 43% respondentlar faqat ba'zi jonivor turlarini yaxshi ko'rishlarini aytishdi. So'ralganlarning 5%i jonivorlarni yaxshi ko’rmasliklarini aytishdi.

2.       U-Reportyorlarning 23%i bizning jamiyatimizda jonivorlarga munosabat yomon va yana 28% respondentlar bizning jamiyatimiz jonivorlarga nisbatan betaraf deb javob berishgan.

3.       Respondentlarning 47%i tutqunlikda jonivorlaga yashah qulay emasligini aytishdi, so'rovda qatnashganlarning 4%i esa jonivorlarga buni farqi yoq deb hisoblashadi.

4.       Respondentlarning aksariyati (75%) jonivorlar qo'rquv, og'riq va quvonchni his qilish qobiliyatiga ega deb hisoblashadi. Yana 22% jonivorlar, ehtimol, ma'lum darajada his qilish qobiliyatiga ega deb hisoblashadi.

5.       Agar U-Reportyorlarning 82%i jonivorlarga rahm-shafqat ko'rsatishni o'ta zarur deb bilsa, yana 16% bu faqat ba'zi jonivor turlariga nisbatan zarur deb hisoblaydi.

6.       Respondentlarning 63%i, umuman olganda, sirk yoki hayvonot bog'iga tashrif buyurishni yaxshi ko'radilar, atigi 17% salbiy javob berishdi.

7.       Respondentlarning 42%i agar ularning qo'lida bo'lganida sirk / hayvonot bog'larini taqiqlashgan bo’lar edilar: jonivorlar erkin yashashlari kerak (29%) va jonivorlar u erda azob chekishi mumkin (13%) deb ishonishadi.

8.       U-Reportyorlarning faqat 17%i jonivorlar uchun qiyin bo'lishi mumkin deb, O'zbekistonda baliqlar va delfinlar okeanariumi qurilishiga qarshi.

9.       Boshqa hududlarga qaraganda, poytaxtda yashovchilar okeanarium qurish g'oyasiga qarshi (31%).

10.   U-Reportyorlarning 73% hayvonlarga nisbatan shafqatsizligi va qiynashlar uchun javobgarlikni kuchaytirish kerak deb hisoblaydilar.

 

 

 

 

U-Reportyorlarning 46% jonivorlarni juda yaxshi ko'radilar va 43% faqat ba'zi turdagi jonivorlarni yaxshi ko'radilar. Respondentlarning 5%i jonivorlarni yoqtirmasligini bildirgan.

Qizig'i shundaki, ko'proq ayollar (7%) erkaklarga (3%) qaraganda jonivorlarni yoqtirmasliklarini ko'rsatdilar.

 


U-Reportyorlarning 33%i bizning jamiyatimizda jonivorlarga nisbatan ko'proq do'stona, 10% esa juda do'stona deb hisoblashadi. Respondentlarning 28%i ularga nisbatan munosabat neytral deb hisoblaydi. Shu bilan birga, respondentlarning 16%i jonivorlarga nisbatan jamoatchilik munosabatini "asosan yomon", 7%i esa "juda yomon" deb hisoblashadi.

 

 

Respondentlarning 44%i, agar barcha sharoitlar yaratilsa, cheklangan maydonda (tutqunlikda) jonivorlarga yashah qulay deb hisoblashadi. Shu bilan birga, 47% qarama-qarshi fikrda.

Hududlar kesimida Toshkent, Namangan va Farg'ona viloyatlarida so'ralganlarning eng ko'p qismi (taxminan 47%), agar jonivorlar uchun barcha sharoitlar yaratilgan bo'lsa, ular cheklangan maydonda yashashlari qulay deb hisoblaydi. Shu bilan birga, poytaxtda, Toshkent, Sirdaryo va Surxondaryo viloyatlarida respondentlarning taxminan 1/5 qismi hayvonlarga aniq noqulay deb fikr bildirdi.

 

 

 

Respondentlarning aksariyati (75%) jonivorlar qo'rquv, og'riq va quvonchni his qilish qobiliyatiga ega deb hisoblashadi. 22%i jonivorlar ehtimol ma'lum darajada hamdard bo'lishiga ishonishadi. Shu bilan birga, erkaklarga (71%) qaraganda 8% ko'proq ayollar (79%) jonivorlar hamma narsani his qila olishiga aminlar.

 

 

 

U-Reportyorlarning aksariyati (82%) jonivorlarga rahm-shafqat va mehr ko'rsatishni mutlaqo zarur deb bilishadi. Shu bilan birga, respondentlarning 16%i faqat ba'zi jonivor turlariga rahm-shafqat va mehr ko'rsatish kerak deb o'ylashadi.



Hududlar bo'yicha, Toshkent shahridagi respondentlarning aksariyati (89%) jonivorlarga mehr va muruvvat ko'rsatilishi kerak, deb hisoblashadi. Masalan, Surxondaryo va Sirdaryo viloyatlarida respondentlarning faqat 75%igina ushbu fikrga qo’shilishadi. Ushbu ikki viloyatda respondentlarning 22%i bunday his-tuyg'ularni faqat jonivorlarning ayrim turlariga nisbatan ko'rsatish kerak, deb hisoblashadi.