U-Report, BMTning O'zbekistondagi
vakolatxonasi bilan hamkorlikda yoshlarning global va milliy Barqaror Rivojlanish Maqsadlari (BRM) haqida
xabardorlik darajasini o'rganish va O'zbekistonda BRMni amalga
oshirish istiqbollari to'g'risida yoshlarning fikrini bilish uchun so'rov o'tkazdi. O'zbekistonda 16 milliy BRM qabul qilingan (“Dengiz ekotizimini asrash” maqsadi bizda dengiz
yo’qligi uchun qabul qilinmagan).
So'rov natijalari kelgusi yillarda BMTning O’zbekistondagi faoliyatini, shu jumladan aloqaviy va dasturiy tadbirlarini rejalashtirishda foydalaniladi.
Barqaror rivojlanish maqsadlari (SDG) 2015 yil sentyabr oyida BMT sammitida 193 mamlakat tomonidan qabul qilingan. Bular butun dunyo uchun 17 ta maqsad bo'lib, 2030 yilga qadar ularga erishish kutilmoqda.
So'rovda
mamlakat bo'ylab 5524 respondent qatnashdi.
BARQAROR RIVOJLANISH
MAQSADLARI HAQIDA
SO’ROVNOMANING ASOSIY NATIJALARI:
1.
Respondentlarning
yarmidan ko'pi (57%) BRM haqida U-Report so'rovi mobaynida “birinchi marta” eshitishgan.
2.
4-sonli maqsad "Sifatli ta’lim barchaga va butun umri davomida"
respondentlar va ularning oila a’zolari uchun eng yaqin maqsaddir – ishtirokchilarning
13%dan ko'prog'i aynan ushbu BRMni tanlashgan. Ikkinchi o'rinda – 3-sonli maqsad
"Sog‘lom turmush tarzini ta’minlash va farovonlik".
3.
"Gender tenglik va xotin-qizlarning imkoniyatlarini kengaytirish"
– 7.8% ayollar uchun eng yaqin BRMdan biri bo’lsa, erkaklarning atigi 2,2% bu
variantni tanlashgan.
4.
U-Reportyorlarning fikriga ko'ra, O'zbekiston eng katta yutuqlarga erishgan BRMlar: kam ta’minlanganlik darajasini
pasaytirish (10,4%), sifatli
ta'limni barchaga va butun umri davomida ta'minlash (10%), sog‘lom turmush
tarzini ta’minlash va farovonlik (9,5%).
5.
Respondentlarning 34% aynan Hukumat
O'zbekistonda BRMni erishishda eng
muhim rol o'ynaydi deb hisoblaydi. Bundan tashqari,
bu jarayonda fuqarolik jamiyati va yoshlarning o'zlari muhim rol o'ynaydi deb hisoblashadi – 18% va 14% mos ravishda.
6.
Shu bilan birga, agar 15-19 yoshdagilar BRMga erishish uchun Hukumatga unchalik ahamiyat bermasa (26%), 31-34 yoshdagi respondentlarning 50%i Hukumat mamlakatda BRMaqsadlariga erishishda muhim rol o'ynashi kerak deb hisoblaydi.
Respondentlarning yarmidan ko'pi (57%) BRM haqida U-Report so'rovi mobaynida “birinchi marta eshitishgan”. Shu bilan birga, 14% BRM haqida faqatgina eshitgan va 13% ular haqida yuzaki ma'lumotga ega.
Biz U-Reportyorlardan hozirgi vaqtda ular va oila a’zolari uchun eng
yaqin bo'lgan O'zbekistonda amalga oshirilayotgan 16 BRMlar
ro'yxatidan oltita milliy rivojlanish maqsadlarini tanlashlarini so'radik.
Faqat 2,5% BRMlarning hech biri ularga yaqin emasligini aytdi, 7,7% esa
javob berishda qiynaldi.
4-sonli maqsad "Sifatli ta’lim barchaga va butun umri davomida" respondentlar va ularning oilalari uchun eng yaqin maqsaddir – ishtirokchilarning 13%dan ko'prog'i aynan ushbu BRMni tanlagan. Ikkinchi o'rinda (10.3%) – 3-sonli maqsad "Sog‘lom turmush tarzini ta’minlash va farovonlik", uchinchi o'rinda 8-sonli maqsad (10%) "Iqtisodiy rivojlanish va munosib ish o’rinlarini yaratish".
Ayol respondentlar (10,8%) erkaklarga (10%) nisbatan Yaxshi sog'liq va farovonlikka (10,8%) ko'proq e'tibor berishsa; erkaklar (10,3%) ayollar bilan solishtirganda (8,4%) «Kam ta’minlanganlik darajasini pasaytirish» maqsadiga ko'proq ahamiyat berishadi. Ushbu maqsad 25-30 yoshdagi respondentlar orasida eng ommabop (11,4%).
So'rovning qiziqarli natijasidan biri 5-sonli maqsadga "Gender tenglik va xotin-qizlarning imkoniyatlarini kengaytirish" taalluqli. Garchi ayollarning 7,8%da bu eng yaqin BRMlardan biri bo'lsa-da, erkaklarning atigi 2,2% bu maqsadni tanlagan. 25-30 yoshdagi respondentlarga (2,7%) qaraganda 14-24 yoshdagi yoshlar guruhi (4,9%) gender tenglikni ikki baravar ko'proq o'zlariga yaqin BRM deb hisoblashadi.
Har ikkala jins va barcha yosh toifalaridagi U-Reportyorlarning fikrlariga ko'ra iqlim o'zgarishiga qarshi kurash (3,3%), oqilona iste’mol va ishlab chiqarish (2,9%), shuningdek quruqlikdagi ekotizimlarni himoyalash va tiklash (2,3%) o’zlari va oilalariga eng yaqin bo’lmagan BRMlardan biri.
Respondentlarning umumiy sonining 54%i bugungi kunda, ularning fikriga ko'ra, O'zbekiston eng katta yutuqlarga
erishayotgan BRMlarni ko'rsatdi. 21% "Hech
birisida" variantini tanlagan va
respondentlarning 25% esa javob berishda qiynalgan.
Biz ulardan barcha BRMlardan maksimum oltitasini tanlashlarini so'radik, lekin ba'zida
respondentlar oltidan oshiq maqsadlarni ko'rsatdilar yoki "Yuqoridagi
barcha maqsadlar" deb yozdilar.
U-Reportyorlar O'zbekiston ko’proq yutuqlarga
erishgan 6
milliy BRMni tanladilar:
1)
kam ta’minlanganlik darajasini pasaytirish (10,4%),
2)
barchaga va butun umri
davomida sifatli ta'limni
ta'minlash (10%),
3)
sog‘lom turmush
tarzini ta’minlash va farovonlik (9,5%),
4)
oziq-ovqat xavfsizligini mustahkamlash va qishloq xo’jaligini rivojlantirish
(8.1%),
5)
gender tenglik va xotin-qizlarning imkoniyatlarini kengaytirish (8.1%),
6)
shuningdek iqtisodiy rivojlanish va munosib ish
o’rinlarini yaratish (7.9%).
Jinslar va yosh guruhlari
orasida jiddiy tafovutlar kuzatilmayapti, faqat ayollar (9,3%) erkaklarga
nisbatan (7,2%) ko’proq O'zbekistonda gender tengligini ta'minlash
borasida yaxshilanishlar bor deb hisoblashini inobatga olmasa.
So'rov qatnashchilari fikriga ko'ra, O'zbekistonda suvdan oqilona foydalanish va sanitariya (4,2%); ochiq, xavfsiz va ekologik toza shahar va qishloqlar (4,1%); oqilona iste’mol va ishlab chiqarish (3,1%); tengsizlikni barcha ko’rinishda qisqartirish (2,5%); iqlim o’zgarishiga qarshi kurashish (2,4%), shuningdek quruqlikdagi ekotizimlarni himoyalash va tiklash (2,4%) kabi BRMlarni amalga oshirish bo'yicha eng kichik yutuqlarga erishilgan.
So'rovda qatnashganlarning umumiy sonining 71% kelgusi besh yil ichida O'zbekiston eng kop e'tibor qaratishi zarur bo’lgan maqsadlarni ko’rsatishdi. 21% bu savolga javob berishda qiynaldi. Biz ulardan maksimal oltita BRMni tanlashlarini so'radik, ammo ko'p sonli
maqsadlarni ko'rsatgan respondentlar ham bor edi va
ba'zilari umuman "Yuqoridagi barcha maqsadlar" javob varinatnini tanlashdi.
U-Reportyorlarning fikriga ko'ra, kelgusi besh yil ichida
O'zbekiston quyidagi maqsadlarga e'tibor qaratishi kerak:
1)
sifatli ta'lim,
2)
kam ta’minlanganlikni kamaytirish,
3)
iqtisodiy o'sish va ish bilan ta’minlash,
4)
sog'lom turmush tarzi va
farovonlik,
5)
arzon energiya
manbalaridan foydalanish,
6) ovqatlanishni yaxshilash va qishloq xo'jaligini rivojlantirish.
Agar ayollarning 6% O'zbekiston gender tenglikka ko'proq e'tibor berishini
istasa, erkaklarning atigi 2% buni zarur
deb biladi. Iqlim o'zgarishiga qarshi kurash 12-o'rinda.
Respondentlarning 34% aynan Hukumat O'zbekistonda BRMni erishishda eng muhim rol o'ynaydi deb hisoblaydi. Bundan tashqari, bu jarayonda fuqarolik jamiyati va yoshlarning o'zlari muhim rol o'ynaydi deb hisoblashadi – respondentlarning 18% va 14%i, mos ravishda. 13% respondentlarning fikriga ko'ra, ommaviy axborot vositalari BRMni amalga oshirishdagi o’rni juda muhimdir.
Gender toifa o'rtasida javoblar taqsimlanishida jiddiy
farq yo'q; faqat BRMlarni amalga oshirishda xususiy sektorning javobgarligi
masalasida erkaklar ko'proq e'tibor berish kerakligini bildirgan - 3% erkaklar
1% ayollarga nisbatan. Shu bilan birga, erkaklarga (13%) qaraganda ko'proq
ayollar (17%), barqaror rivojlanish maqsadlariga erishishda yoshlarning o'zlari
muhim rol o'ynashi kerak deb hisoblashadi.
Respondentlarning yosh toifalari o'rtasida esa sezilarli
farq mavjud. Masalan, agar 15-19 yoshdagi yoshlar BRMga erishish jarayonida
Hukumatga unchalik ahamiyat bermasa (26%), 31-34 yoshdagi respondentlarning 50%
Hukumat mamlakatda BRMga erishishda muhim rol o'ynashi kerak deb hisoblaydi.
30 yoshdan katta yoshdagilarning atigi 3% yoshlar BRMga erishishda javobgar deb hisoblashadi, va xususiy sektor (0%) bu masalada hech qanday rol o'ynamaydi degan fikrldalar. Bir vaqtning o’zida, 15-19 yoshdagi 26% respondentlar aynan yoshlar BRMlarga erishish uchun javobgar deb hisoblashadi va 3% bu masalada xususiy sektor ham rol o'ynashiga ishonishadi.
U-Reportyorlarning fikriga ko'ra, O'zbekistonda SDGga
erishish uchun xususiy sektor (2%) va tadqiqot tashkilotlari (1%) unchalik ahamiyatli
emas. Respondentlarning 6% BMT agentliklarining
O'zbekistonda muhim rol o'ynashini ta'kidlamoqdalar; va boshqalardan ko'proq
15-19 yoshdagi yoshlar (8%) shunday deb o'ylashadi.
Izoh: Soʻrovlar natijasida olingan
maʼlumotlar UNICEFning fikrini aks ettirmaydi, reprezentativ maʼlumotlar
hisoblanmaydi va ushbu U-Report so’rovida qatnashgan 5524 respondentlarning fikri.