UNICEFning Ijtimoiy
siyosat bo'limi yoshlarning
turli jabhalarda
hayotiga bevosita
yoki bilvosita
ta'sir qiladigan qarorlar
qabul qilish va ularni amalga oshirishda
qanday ishtirok
etishini aniqlash
uchun so'rovnoma tayyorladi. So'rovnoma natijalari
UNICEFning mamlakat
bo’yicha dasturini va O'zbekistonda
yoshlarga oid loyihalarini ishlab chiqishda qo'llaniladi.
So’rovnomada butun mamlakat bo’ylab 4000dan ortiq yoshlar ishtirok etdi.
Aniqlanishicha, so’rovnoma qatnashchilarining 41%i OTM talabalari (46%
ayollar va 38% erkaklar), 26%i OTMni bitirganlar (20% ayollar va 30% erkaklar),
13%i makatab o’quvchilari (17% ayollar va 10% erkaklar), hech qayerda
o’qimaydiganlar (10% ayollar va 15% erkaklar), shuningdek 6%ni litsey va kollej
o’quvchilarini tashkil etadi.
YOSHLAR ISHTIROKI bo’yicha SO’ROVNING ASOSIY
NATIJALARI:
1. Respondentlarning
64%i oilada muhim qarorlarni qabul qilinishida fikrlari har doim tinglanishini his
qilishini ta’kidladi. Bunda, ayollarning
faqat 60% "ha, hamisha" variantini tanlagan bo'lsa, erkaklar orasida
bu ko'rsatkich 67% ni tashkil etadi.
2.
Respondentlarning 33 %i
ularning ta’lim muassasasida maktab o’quvchilari / talabalar kengashi borligi
va u juda yaxshi ishlashini aytishdi. 29% javob berganlar bunday kengash bor,
ammo u faqat rasmiy ravishda qog’ozda mavjud ekanligini ta’kidlashdi.
3.
So'rovnoma qatnashchilarining
54 %i ta'lim muassasalarida qaror qabul qilishda o'quvchilarning fikrlari
so’ralmasligi yoki inobatga olinmasligini aytishdi.
4.
So'rovnomada qatnashganlarning
80 %i mamlakatda amalga oshirilayotgan islohotlar va o'zgarishlarga bo’lgan
qiziqishlarini bildirishgan.
5.
58% respondentlar o'zlarining
mahalla/tumanlarida qarorlar qabul qilinishida ishtiroki to'g'risidagi savolga
salbiy javob berishdi. Shu bilan birga, 14-19 yoshdagi
yoshlarning 39 %i o'zlarining mahalla / tumanlarida qarorlarni qabul qilish jarayonida
qanday qatnashish mumkinligini so'rashdi.
6.
46% U-Reportyorlar ularni
hukumat eshitishi mumkinligi haqida shubhalanishmoqda.
7.
So’rovnoma qatnashchilarining
7%i o’z fikrlarini ochiq bildirishga
qo'rqishini aytdi – ulardan 9%i ayollar va 6%i erkaklar, 14-19 yoshdagi
respondentlarning 15% shu
javobni berishgan
va boshqa yosh toifalariga
nisbatan bu ko’rsatkich eng yuqori.
8.
So’rovnoma qatnashchilari o'z
fikrlarini bildiradigan eng ommabop
platforma deb: 1) ijtimoiy tarmoqlar (53%), 2)
U-Report platformasi (17%), 3) Yoshlar ittifoqi (9%)ni belgilashdi.
9. Respondentlarning
62%i o'z hayotini yaxshilash uchun o’zlari yoki do’stlari bilan biron bir chora
ko'ra olishga ishonch bildirishdi. Shu bilan birga, ayollarning
atigi 57%i bu javobni tanlagan bo’lsa, erkaklar orasida bu ko'rsatkich 66 %ni
tashkil etadi.
Biz respondentlardan ularni hayotining turli darajalari bilan bog'liq
bo'lgan qarorlarni qabul qilishda qanchalik ishtirok etayotganligini so'radik
va quyidagi javoblarga ega bo’ldik.
Respondentlarning 64%i oilada muhim qarorlarni qabul qilinishida
fikrlari har doim tinglanishini his qilishini ta’kidladi. Shu bilan birga, jins va yosh toifalarida quyidagi farqlar mavjud:
-
ayollarning faqat 60%
"ha, hamisha" variantini tanlagan bo'lsa, erkaklar orasida bu
ko'rsatkich 67% ni tashkil etadi. "Ba'zida" variantini ayollarning
27%i, erkaklarning 21%i tanladilar.
-
yosh ko’rsatkichi
qancha past bo’lsa, oilada qaror qabul qilishda ularning ovozi shuncha kamroq
ahamiyatga ega ekanligi aniqlandi. 14-19 yoshdagi toifada faqatgina 55%
ularning ovozi har doim tinglanishini va 33%i ba’zida tinglanishini bildirishdi;
va 8% salbiy javob berdi: ularning fikrlari so'ralmaydi va inobatga olinmaydi
deb javob berishdi.
Ayni paytda ta’lim muassasalarida tahsil
olayotganliklarini bildirgan 60% so’rov ishtirokchilariga quyidagi savollar
berildi.
Respondentlarning
33%i ularning maktabida o’quvchi/talabalar kengashi bor va u juda yaxshi
ishlaydi deb aytdi. 29% bunday kengash bor, ammo u faqat qog'ozda rasmiy ravishda
mavjud deb javob berishdi. 20% bunday kengash haqida
ma'lumotga ega emas va 14% salbiy javob bergan.
Ma'lumot uchun: o’quvchi/talabalar
kengashi – bu o’quvchilarning talab va fikrlarini rahbariyatga taqdim qiladigan
yoshlar tomonidan muayyan vaqtga saylanadigan o’quvchilar guruhi.
________________________________________________________________________
So‘rovda
qatnashganlarning 54%i ta’lim muassasalarida qaror qabul qilishda
o‘quvchilarning fikrlari so'ralmaydi yoki inobatga olinmaydi debi aytdilar. Shulardan,
erkaklar orasida bu ko'rsatkich 58% ni, ayollar orasida 50% ni tashkil qiladi.
Respondentlarning atigi 20
foizi qaror qabul qilishda talabalarning fikrlari inobatga olinadi deb
hisoblashadi.
______________________________________________________________________
Biz U-Reportyorlarimizdan ular mamlakatda amalga oshirilayotgan islohotlar, o'zgarishlarga qiziqish bildiradimi deb so'radik va quyidagi javoblarni oldik:
1)
Ha –
80%
2)
Ba'zan yangiliklarni kuzatib turaman – 10%
3)
Faqat men bilan bog'liq masalalar bo'yicha –
7%
4)
Yo’q –
2%
5)
Javob berishga qiynalayapman – 1%
58%
respondentlar o'zlarining mahallalari/ tumanlarida qarorlar qabul qilishda
ishtirok etmasliklarini bildirgan. 12% ishtirolchilar bunga
qiziqishmasligini (13% ayollar va 11%
erkaklar bu variantni tanladilar) va atigi 6% har doim o'zlarining
mahallalarida qarorlar qabul qilishda qatnashishini bildirishgan (ular orasida ayollar 4%ni tashkil qiladi
va erkaklar 7%ni).
Shu bilan birga, 14-19
yoshdagi yoshlarning 39 %i o'zlarining mahalla / tumanlarida qarorlarni qabul
qilish jarayonida qanday qatnashish mumkinligini so'rashdi va bu boshqa yosh
guruhlari orasida eng yuqori ko'rsatkich.
U-Reportyorlarning
46%i ularni hukumat eshitishi mumkinligiga shubha bilan qarashadi, ulardan 22 foizi, gapira olishini, ammo ularga bari bir quloq
tutishmaydi degan fikirni bildirishdi (ular orasida erkaklar 24% va ayollar
18%), 24% esa umuman olganda shubhalanishini aytib o’tdi.
So‘ralganlarning
7%i gapirishga qo‘rqishlarini aytishgan – shundan 9%
ayollar va 6% erkaklar, shuningdek 14-19 yosh guruhida bu javob boshqa yosh
toifalariga nisbatan eng ko'p ovoz to'plagan – 15%.
So'rov ishtirokchilari o'z fikrlarini bildiradigan eng qulay platformalar:
1)
Ijtimoiy tarmoqlar – 53%
respondentlar shu variantni tanladilar. Shu
bilan birga, ayollarga (49%) qaraganda ijtimoiy tarmoqlarga ko'proq erkaklar
(55%) murojaat qiladi.
2)
U-Report platformasi
(17%). Yosh guruhlari bo'yicha 14-19
yoshdagi respondentlarning 42%i U-Reportni
afzal ko'rishadi – bu boshqa guruhlarga nisbatan maksimal
ko'rsatkichdir. Shu bilan birga, U-Report o'g'il bolalarga (16%) qaraganda
ko'proq qizlarga (21%) ma'qul keladi.
3)
Yoshlar Ittifoqi (9%).
Yosh guruhlari bo'yicha 14-19 yoshdagi
respondentlarning 17%i Yoshlar Ittifoqini
afzal ko'rishadi – bu boshqa guruhlarga nisbatan maksimal
ko'rsatkichdir. Yoshlar ittifoqiga o'g'il bolalarga (7%) qaraganda qizlar
ko'proq (12%) murojaat qiladi.
__________________________________________________________________________________
Respondentlarning 62%i o'z hayotini yaxshilash uchun
o’zlari yoki do’stlari bilan biron bir chora ko'ra olishiga ishonishadi. Shu bilan birga, ayollarning atigi 57%i bu javobni tanlagan bo’sa,
erkaklar orasida bu ko'rsatkich 66%ni tashkil etadi. 20-24 yoshdagi
respondentlarning 67%i bunga ishonishadi va bu boshqa yosh guruhlari ichida
maksimal ko'rsatkichdir.
E'tiborlisi,
respondentlarning yoshi qanchalik katta bo'lsa, ular o'zlarining hayotini
yaxshi tomonga o'zgartira olishlariga ishonchi kamayib boradi(35+
respondentlarning atigi 41% ijobiy javobni tanlashgan).
U-Reportyorlarimizga bergan javoblari uchun tashakkur bildiramiz! So'rovnoma natijalari
UNICEFning mamlakat bo’yicha dasturini va O'zbekistonda yoshlarga oid
loyihalarini ishlab chiqishda qo'llaniladi.
Izoh: So'rovda
olingan ma'lumotlar UNICEFning fikrini aks ettirmaydi, reprezentativ
ma'lumotlar emas va U-Reportning ushbu so'rovnomasida qatnashgan 4000 dan ortiq
respondentlarning fikrlarini aks ettiradi.