26 iyun – Xalqaro giyohvandlikka va giyohvand moddalarning noqonuniy aylanishiga qarshi kurash kuni. Shuning uchun U-Report va BMTning Narkotik va jinoyatga qarshi kurash bo‘yicha boshqarmasi (UNODC) shu mavzuda anonim so’rovnoma o’tkazdi. Olingan ma’lumotlar yoshlar o’rtasida qaramlik chaqiradigan va sog’liqqa salbiy ta’sir qiladigan moddalarning (sigaret, narkotik va hk.) iste’mol darajasini aniqlash maqsadida UNODC tomonidan olib borilayotga tadqiqotida ishlatiladi. Ushbu so’rov natijalari yoshlar o’rtasida qaramlik chaqiradigan va sog’liqqa salbiy ta’sir qiladigan moddalarning istemolini oldini olish bo’yicha samarali dasturlar ishlab chiqishda kerak bo’ladi.
So‘rovnomada mamlakat bo‘ylab 4000ga yaqin respondent ishtirok etdi.
YOMON ODATLAR TO‘G‘RISIDAGI
SO‘ROVNOMANING ASOSIY NATIJALARI:
1. So’rovda ishtirok etganlarning 74% sigaret
chekmaymidlar va faqatgina 18% sigaret chekishar ekan. Sigaret chekish ayollarga
nisbatan (5%) erkaklar (26%) orasida ko’proq tarqalgan.
2. So'rovda qatnashganlarning 34% o’zining
birinchi sigaretasini 19 yoshdan oshganda tatib ko’rgan, 22% esa 17-18 yoshida.
3. So’rovda chekuvchi qatnashchilarning 15%
kuniga 6-10 sigaret chekadi. Shu bilan birga, kuniga 6-10 sigaret chekadiganlar
orasida 20% ayollar va 14% erkaklar.
4. 16% respondentlar elektron sigaret chekish
bo’yicha qandaydir tajribaga ega – ular orasida 1-2 yoki 5-6 va yoki undan ko’p
marotaba ta’tib ko’rgan. Faqat 1% ishtirokchilar elektron sigaretalarni doimiy
ravishda chekishini qayd etgan.
5.
So’ralganlarning
86% hech qachon nosvoy iste’mol qilishmagan. Ayollar o’rtasida bu ko’rsatkich 99%
tashkil qildi.
6.
Ayollarning
98% va erkaklarning 94% giyohvand moddalarni hech qachon iste’mol qilishmagan
ammo ayollarning faqat 1% va erkaklarning 4% 1-2 marta ta’tib ko’rishgan.
7.
Ayollarning 76%
sigaret chekadigan odamlar katta xavf ostida ekanligiga ishonishsa, bu javob
variantini faqat 56% erkaklar tanlashgan.
8.
Respondentlarning 19% hayot davomida 1-2 marta giyohvand moddalarni iste’mol
qilganda ularning salomatligiga xavf bormi yoki yo’qmi bilishmaydi, huddi
shunday ko’rsatkich nosvoyni iste’mol qilish masalasi bo’yicha ham qayd etildi.
So’rovda ishtirok etganlarning 74% sigaret chekmaymidlar va faqatgina
respondentlarning 18% sigaret chekishar ekan. Sigaret chekish ayollarga nisbatan (5%) erkaklar
orasida (26%) ko’proq tarqalgan. Chekuvchilarning eng ko’p soni 25-30 yosh va undan
yuqori yoshdagilar oradisa – ushbu yosh guruhidagi 28%dan oshiq respondentlar
sigaret chekadi.
So'rovda qatnashganlarning 34% o’zining birinchi
sigaretasini 19 yoshdan oshganda tatib ko’rgan. Olingan natijalar shuni ko'rsatadiki, chekishni boshlash yoshi kattalashgan
sari oshib boradi. Shu bilan birga, qizlar erkaklarga qaraganda erta yoshda
chekishni tatib ko’rar ekan: masalan, agar erkaklarning 5% 11-12 yoshda sigaret
chekgan bo'lsa, qizlar orasida bu ko'rsatkich 10% tashkil qiladi.
Kuniga bir marta chekilgan sigaretlar soni
bo'yicha quyidagi javoblar olindi:
- respondentlarning 32%i kuniga 1-5
sigaret chekishadi
- haftada bir sigaretadan kam chekadiganlar
soni 18%
- so’rov qatnashchilarning 15% kuniga 6-10
sigaret chekadi. Aytib o’tish kerakki, kuniga 6-10 sigaret chekadiganlar
orasida 20% ayollar va 14% erkaklar.
Respondentlarning 84% elektron sigaret
chekish tajribasiga ega emas. Ko'pincha elektron
sigaretalarni erkaklar chekishar ekan: masalan, 93% ayollar hech qachon bunday
sigaretlarni tatib ko'rmaganlar.
So’ralganlarning 86%i hech qachon nosvoy iste’mol
qilishmagan. Ayollar o’rtasida bu ko’rsatkich 99%ga teng (faqatgina 1% ayollar
1-2 marta tatib ko'rganliklarini bildirgan). Erkaklar orasida bu ko'rsatkich
79% tashkil etadi.
Ayollarning 98% va erkaklarning 94% giyohvand moddalarni hech qachon iste’mol qilishmagan, shu bilan birga, ayollarning 1% va erkaklarning 4% 1-2 marta ta’tib ko’rishganini bildirishgan. Bunday moddalarni iste’mol qilish 35 yoshdan katta bo’lganlarda ko’payishini ko’rishimiz mumkin: bir necha marta ta’tib ko’rganlar (9%), bir yil avval (2%), oxirgi 12 oy va 30 kun ichida (1%dan) tashkil etadi.
Yoshlarning 9% sigaretning sog’ligiga zararli
ekanligini bilmaydi va 36% elektron sigaret xavfi haqida bilmaydi. So’ralganlarning
63% oddiy sigaret chekuvchilar o'zlarining salomatligini yuqori darajada xavf
ostiga qo’yadi deb hisoblashadi, elektron sigaret uchun esa bu ko’rsatkich taxminan
32%ni tashkil qiladi. Ayollarning 76%
sigaret chekadigan odamlar katta xavf ostida ekanligiga ishonishadi, bu javob
variantini esa faqat 56% erkaklar tanlashgan.
Jahon sog'liqni saqlash tashkiloti ma'lumotlariga ko'ra, har yili 7 milliondan ortiq kishi tamaki mahsulotlarini iste'mol qilganidan vafot etadi, sog'liqni saqlash va mehnat samaradorligini pasayishi xarajatlari esa oilalar va hukumatlarga 1,4 trillion dollardan ortiqqa tushadi.
Tamaki yetishtirish tufayli bolalar
maktabga bormay qo’yishadi. Tamaki yetishtirish bilan shug'ullanadigan
oilalardan 10-14% bolalar tamaki dalalaridagi ishlar tufayli maktabdagi
darslarni qoldirishadi. Tamaki kompaniyalarning 60-70% ishchilari ayollardir. Ish
vaqtida ayollar ko'pincha xavfli kimyoviy moddalar ta'siriga duch keladilar.
Elektron sigaretalar - tamaki bargini
yoqish yoki ishlatish o'rniga foydalanuvchi tomonidan nafas olish uchun eritma
bug'lanadigan qurilma. Eritmaning asosiy tarkibiy qismlari glitserinli yoki
propilenglikol va xushbo'y moddalardir. Bu eritmalar va ular chiqaradigan
moddalar boshqa kimyoviy moddalarni o'z ichiga oladi, ularning ba'zilari
toksinli hisoblanadi.
Tamaki iste'moli saraton, o'pka kasalliklari va yurak-qon tomir kasalliklari kabi qator surunkali kasalliklar rivojlanishi xavf omillaridan biridir.
Respondentlarning 19% hayot davomida 1-2 marta giyohvand moddalarni iste’mol
qilganda salomatlikka xavf tug’diradimi yoki yo’qmi bilishmaydi, huddi shunday ko’rsatkich nosvoyni iste’mol
qilish masalasi bo’yicha ham qayd etildi.
Respondentlarning
59% fikriga ko’ra giyohvand moddalarni 1-2 marta iste’mol qilish odam
salomatligi uchun juda xavflidir. 25-30 yoshdagi respondentlar ichida faqatgina
52% bunaqa moddalar salomatlik uchun juda xavfli deb hisoblaydi - bu barcha
yosh guruhlari orasida eng past ko’rsatkich.
Yoshlarning faqatgina 37% sigaret chekish katta xavf bilan bo’gliq deb
hisoblashadi.
Shu bilan birga, ko’proq ayollar bunday turdagi moddalarning sog’liqqa
salbiy ta'siri bor deb o'ylashga moyil.
UNODC ma'lumotiga ko'ra, psixofaol
moddalarni iste'mol qilish global kasalliklar, nogironlik va o'limga olib
keladi. Inyeksiyon giyohvand moddalarni iste'mol qilish Gepatit C va OIV kabi
jiddiy yuqumli kasalliklar tarqalishining asosiy sabablaridan biri hisoblanadi.
Tahlillarga qaraganda, inyeksiyon giyohvand moddalarni iste'mol qilganlarning
11,9% (1,4 mln.) OIV bilan yashamoqda. Giyohvand moddalarni iste'mol qilish
bilan bog'liq o'lim, ulardan foydalansih oqibatida yuzaga keladigan haddan
ziyod zararni ko'rsatadi. UNODC ma'lumotlariga ko'ra, 2015 yilda 190,900
giyohvand moddalar bilan bog'liq o'lim qayd etilgan, bu esa 15-64 yoshdagi
million kishi uchun o'lim ko'rsatkichi 39,6 kishiga teng.
O’zingiz yoki yaqinlaringiz giyohvandlik moddalari qaramidan ozod bo’lishini va qaytadan sog’lom turmush tarziga qaytishini istasangiz tibbiy yordamni Respublika
narkologiya markazi yoki boshqa tibbiyot markazlariga murojaat qilib olishingiz mumkin. Maslaxat va boshqa yordam uchun Respublika narkologiya markazi raqamlari:
+998781507931
+998781507932
Izoh:
So’rov natijasida olingan ma’lumotlar UNICEFning ushbu mavzuga munosabatini aks
etmaydi, reprezentativ ma’lumot emas va so’rovda qatnashgan taxminan 4000ga
yaqin respondentlarning fikridir.