Oʻzbekiston Respublikasi Mehnat va aholini ijtimoiy muhofaza qilish
vazirligi U-Report orqali kasbga yoʻnaltirish boʻyicha soʻrov oʻtkazdi.
Maʼlumotlar yoshlarning kasbiy yoʻnaltirishga boʻlgan munosabati va bu sohada
davlat faoliyatini takomillashtirish haqida maʼlumot olish uchun zarur boʻladi.
Tadqiqotda mamlakat boʻylab 6300 dan ortiq respondent ishtirok etdi.
Soʻrov kontekstida, kasbiy yoʻnaltirish
(proforiyentatsiya) – bu yoshlarning iqtidori, qobiliyati va mehnat bozoridagi
vaziyatdan kelib chiqib, kasb tanlash, qayta tayyorlash va o’zgartirish
bo’yicha tadbirlardir.
KASBIY YOʻNALTIRISH BOʻYICHA SOʻROVNING ASOSIY
XULOSALARI:
1. 20-24 yosh guruhidagi respondentlarning 19%i hali
oʻz kasbi boʻyicha qaror qabul qilmaganliklarini aytib o’tishdi.
2. Respondentlarning fikriga koʻra, kasb tanlashga
taʼsir qiluvchi toʻrt omil quyidagilar: shaxsiy qobiliyat (34%), kasbga
muhabbat va moliyaviy sharoitlar (har biri 20%dan ovoz oldi ), ota-onaning
qarori (11%).
3. Respondentlarning 82%i davlat yoshlarni kasbga
yoʻnaltirishni tashkil etish kerak, deb hisoblaydi. Soʻralganlarning
57%i maktabdan kasb-hunar egallashni boshlash kerak degan fikrda.
4. So’rov ishtirokchilari kasbga
yoʻnaltirish boʻyicha faoliyatni psixologlarga (32%), oʻqituvchilarga (28%) va
ish beruvchilarning oʻzlariga (13%) topshirish kerak degan fikrlarni bildirishdi. Bundan tashqari, bu
borada Mehnat vazirligi va uning tuzilmalari jami 13 %ni yigʻdilar.
Respondentlarning fikriga koʻra, kasb tanlashga taʼsir
etadigan toʻrtta omil quyidagilarni oʻz ichiga oladi:
1. Shaxsiy qobiliyat (34%)
2. Kasb-hunarga muhabbat va moliyaviy sharoitlar (har
biri 20 %dan toʻplagan)
3.
Ota-onaning qarori (11%)
“Ota-onaning qarori” degan variantni qizlarning 14 %i va oʻgʻil bolalarning 9 %i tanlagan. Shu bilan birga, moliyaviy masalalar ayollarga (12%) nisbatan erkaklarni (25%) koʻproq qiziqtiradi va bu esa kasb tanlashda asosiy omil hisoblanar ekan.
Soʻralganlarning 82% davlat yoshlar uchun kasbiy
yoʻnaltirishni tashkil qilishi kerak deb hisoblaydilar (gender mezoni boʻyicha 85 % ayollar bu javobga ijobiy javob bergan
boʻlsa, erkaklarning 80 %i bu bilan rozi boʻldilar). Respondentlarning 57 %i maktabdanoq kasbiy yoʻnaltirishni amalga
oshirishni boshlash kerak deb hisoblaydi. Respondentlarning 22 %i buni
bogʻcha paytidan boshlash kerak, 14 %i esa tanlash bosqichini kolledjdan
boshlash kerak deb hisoblaydilar.
Kasbga
yoʻnaltirishni kim amalga oshirishi kerak degan savolga respondentlarning javobi qoʻyidagicha taqsimlandi: psixologlar (32 %), oʻqituvchilar (28%) va
ish beruvchilarning oʻzlari (13%). Bundan tashqari, respondentlarning 13%i bu
ishni Mehnat vazirligi va uning tuzilmasi
- Aholi bandligini taʼminlash markazi zimmasiga topshirish kerak degan fikrni bildirishgan.
“Boshqa”
javob variantini tanlagan ishtirokchilar - bu respondentlarning 14%i, quyidagi
javob variantlarini berdilar: ota-onalar, shaxsning oʻzi, yuqorida aytib
oʻtilganlarning barchasi, ota-onalar
oʻqituvchilar bilan birgalikda, ushbu masalada koʻplab tuzilmalarning
integratsiyalashgan yondashuvi va sherikligi boʻlishi zarur.
Shuningdek, ishtirokchilar tomonidan kasbiy
yoʻnaltirishni tashkil qilish uchun quyidagi qiziqarli takliflar berildi:
- bolalarga kasblar haqida aytib beradigan multfilm
qahramonlari va multfilmlar yaratish,
- oʻquv dasturiga alohida yondashuvni joriy qilish,
yaʼni yoʻnalishlaridan birida isteʼdod egasi boʻlgan bolalarga muyaun oʻquv
soatlarini koʻpaytirish yoki uni sevimli yoʻnalishida rivojlantirishga yordam
beruvchi mavzularni darsga kiritish,
- oʻz sohasida yaxshi natijalarga erishgan
mutaxassislarni yosh avlod bilan uchrashuvlarga jalb qilish,
- talabalar oʻrtasida turli kasblar haqida koʻproq
maʼlumotni tarqatishni tashkil etish.
U-REPORTERLAR FIKRI:
«Kasbga har qanday ko'ngilli odam yo'naltirishi kerak, yoshlarni. Muhumi yoshlar
o'zlari ularning orasidan keraklisini tanlay oladigan darajada farosatli
bo'lishi kerak. Buning uchun esa yoshlikdan ta'limni yaxshi berib borish kerak».
«Asalomu aleykum
avvalo, ha rbir odam kelajak qadamini ozi tanlab bilishi kerak. Nima uchun desangiz
kelajakda kasb uning oziga kerak shuning uchun ozimiz yoshligimizdan
kelajagimizi oylashimiz kerak dep oylayman".
“O’quvchida kasblarning barcha turlari bo’yicha ma’lumoti bo’lishi kerak”.
“Ota onalar farzandini
qobilyatini sezib uni rivojlantirishi kerak”.
“Avvalo ozimiz, o‘qituvchilarimiz, ota-onamiz”.
“Bolani qobiliyatiga
qarab ota-ona kasbga yo'naltirishi lozim”.
“Bu psiholog
va yirik ish beruvchilar bo'lishi kerak, chunki ular birgalikda bo’lmasa,
beriladigan ma'lumot to'liq bo'lmasligi mumkin”.
“Ongni rivojlantirish bo’yicha ish olib boruvchi meditatsiya boyicha yoki boshqa noyob mutahassislar”.
“O’z kasbini sevuvchi turli sohadagi mutahassislarni taklif qilish zarur”.
“Kasbga
yo'naltirishni mutlaqo boshqa usulda tashkillashtirish tarafdoriman.
Masalan-ulg'ayotgan avlodning qobilyatlarini bilish uchun maktablarda alohida
dars soati yohud mutlaqo yanggi dastur tayyorlagan holda ularni qaysi kasbda
ko'proq foydasi tegishini aniqlash va psixologlar yordamida o'quvchida bu
kasbga nisbatan muhabbat bor yoki yo'qligini bilgan holatda ishlansa maqsadga
muvofiq bo'lardi mening fikrimcha. Shunda tayyorlanayotganlardan 1000 nafaridan
biri biz kutgan natijalarga erishsa u kelajakda millionlab insonlar hayotini
yaxshilaydigan insonga aylanadi’.
“Yuqorida aytilganlarning barchasi +
bolaning o'zi”.
“Har bir
kasbni oʻz uslubida yoritadigan multi qahramonlar orqali. Buning uchun biz
oʻqituvchilar, psixologlar va ssenaristlar guruhiga muhtojmiz. ”
“Mutaxassislar aslida bu maqsadga erishishga qaratilgan (bular
psixologlar, oʻqituvchilar, Mehnat vazirligi xodimlari, ish beruvchilar). Bu
turli tuzilmalarning oʻzaro bogʻlangan majmuasi boʻlishi kerak, faqat bu holda
natijaga erishish mumkin ”.
__________________________________________________________________________
Mehnat vazirligidan maʼlumot: O’zbekiston Respublikasi
Bandlikka ko‘maklashish markazlariga murojaat qilgan shaxslar 40dan ortiq
kasb-hunar bo’yicha bepul maslahat olishi, o’qishi, qayta o’qishi va qayta
tayyorlanishi mumkin. Ko’proq ma’lumot olish uchun Mehnat vazirligining ishonch
(tezkor) telefon raqamiga qo’ng’iroq qiling: 71 200-06-00.
Izoh: So’rov natijasida olingan ma’lumotlar UNICEFning ushbu mavzuga munosabatini aks etmaydi, reprezentativ ma’lumot emas va so’rovda qatnashgan 6300 dan ortiq respondentlarning fikridir.