UNIСEFning Bolalarni himoya qilish boʻlimi U-Reportyorlardan mehnat migratsiyasining
jamiyatga taʼsiri haqida oʻz fikrlarini bildirishini soʻradilar. Maʼlumotlar Yevropa
Ittifoqi tomonidan moliyalashtiriladigan Oʻzbekiston Xotin-qizlar qoʻmitasi
uchun qoʻshimcha tahliliy material sifatida ishlatiladi. Olingan maʼlumotlar migratsiya sharoitida bolalarni himoya qilish sohasida Hukumat uchun siyosat va
dasturlarni ishlab chiqishda qoʻllaniladi.
Mavjud mehnat migratsiyasi taʼsirining koʻlami faqatgina davlatlar va ularning oʻzaro munosabatlari
chegaralaridan tashqarisiga chiqib, toʻgʻridan-toʻgʻri mehnat migrantlarining
oilalari va yaqinlariga taʼsir koʻrsatmoqda. Bolalar kontekstida ushbu
masalaning jamoatchilik bilan aloqalarga eng katta taʼsirini eʼtirof etgan
holda, Yevropa Ittifoqi UNICEF
koʻmagida Oʻzbekiston hukumatiga bolalarni himoya qilish boʻyicha tegishli
siyosat va dasturlarni ishlab chiqishda yordam berish boʻyicha loyihani
moliyalashtirmoqda.
U-Report ushbu mavzu boʻyicha soʻrov oʻtkazdi.
Soʻrovda 2500 ga yaqin kishi qatnashdi. Eng faol ishtirokchilar Toshkent va
Fargʻona viloyatlari (respondentlarning ulushi 22% atrofida), Xorazm,
Samarqand, Namangan va Surxondaryo viloyatlarida kuzatildi.
Soʻrov kontekstida, migrant (muhojir) – bu bir joydan ikkinchi joyga (uning
tug'ilgan joyi bo'lmagan) ko'chib o’tgan shaxsdir: ish topish yoki yashash
sharoitini o’zgartirish maqsadida..
SOʻROVNING ASOSIY XULOSALARI:
1) Respondentlarning 70 %dan ortigʻi,
mehnat migratsiyasiga ketganidan soʻng oʻzlariga yoki oila aʼzolariga jamiyat
tomonidan munosabat o’zgarganligi haqida ma’lumotga ega emas yoki oʻzgarmagan deb
hisoblaydilar. Qolgan taxminan 20 %i bu munosabat ijobiy tarzda va faqat 10%i -
salbiy tarzda oʻzgargan deb hisoblashadi.
2) Respondentlarning 59%i
Oʻzbekistondagi mehnat muhojirlari bor oila farzandlariga mensimaslik faktlarini
uchratmaganliklarini eʼtirof etdilar. Soʻralganlarning 17%i bunday
faktlarga duch kelganlari haqida aytib o’tishdi.
3) Respondentlarning 48%i mehnat migratsiyasi qolayotgan
bolalarning xulq-atvoriga salbiy taʼsir koʻrsatdi deb hisoblaydilar, respondentlarning
35%i taʼsirning mohiyati haqida maʼlumotga ega emas, 16%i esa migratsiyaning
migrantlar bolalariga nisbatan ijobiy taʼsirini qayd etdi.
4) Odatda, mamlakatda qoladigan mehnat migrantlarining
oila aʼzolariga ularning qarindoshlari (53%) yoki hech kim yordam bermas ekan
(37%).
5) Olingan natijalar shuni koʻrsatadiki, migrantlar va
ularning yaqinlari/qarindoshlari oʻrtasida yaqin aloqalar mavjud: soʻrov
qilinganlarning 42%i ular har kuni aloqada boʻlishlarini, 30%i haftada bir
marta, 13%i oyida bir marta, va respondentlarning atigi 15%i yiliga bir
muloqotda boʻlishini yoki umuman muloqotda boʻlmasliklarini eʼtirof etdidar.
6) Soʻralganlarning 26%i mehnat
migratsiyasiga borish istagi yoʻqligi haqida aniq javob berdi. 50%i kelajakda mehnat
muhojirlari rolida oʻzlarini tasavvur qilishlari mumkinligini - yaʼni ular chet
elda ishlash istagi haqidagi savolga ijobiy javob berdilar, qolganlari esa bu
haqda bilmaydilar yoki oʻylamaganlar.
7) Mehnat migratsiyasi jamiyatga ijobiy taʼsir
koʻrsatadi degan fikrda boʻlgan respondentlarning 50%i, migratsiya yashash
uchun uy-joyga pul ishlab topish imkoniyatini berishini aytdilar.
Biz respondentlardan ularda xorijga mehnat migratsiyasiga ketgan tanishlari
yoki qarindoshlari bormi, deb soʻradik. Soʻralganlarning 72%i ijobiy javob berdi, 7%i oʻzlari mehnat
muhojirlari ekanligini aytib o’tishdi.
Shuningdek, mehnat muhojirlari oilasi aʼzolari
bo’lgan respondentlardan - ular kimlar
bilan qolishdi deb soʻralganda, quyidagi natijalar olindi:
1. Ota yoki onasi bilan - 38%
2. Ota-ona ikkalasi bilan - 20%
3. Boshqa oila aʼzolari bilan - 17%
4. Bir oʻzim - 8%
5. Bobom/buvim bilan - 6%
Shuningdek, quyidagi javoblar ham boʻldi:
akam/ opam, qaynonam/ qaynotam, xolam, amakim, boshqa qarindosh-urugʻlar,
xotinim/erim bilan.
Respondentlarning
70%dan ortigʻi, mehnat migratsiyasiga ketganidan soʻng oʻzlariga yoki oila
aʼzolariga jamiyat tomonidan munosabat o’zgarganligi haqida ma’lumotga ega emas
yoki oʻzgarmagan deb hisoblaydilar. Qolgan taxminan 20 %i bu munosabat
ijobiy tarzda va faqat 10%i - salbiy tarzda oʻzgargan deb hisoblashadi.
Shu bilan birga, agar ayollarning 16%i
jamiyatda ularga nisbatan munosabat ijobiy tarafga oʻzgardi deb hisoblasa,
erkaklar orasida bu koʻrsatkich 21 %ga teng. Ayol respondentlar orasida ularga
nisbatan munosabat yomonlashdi deb hisoblaganlar 12%ni tashkil etsa, erkaklar
orasida bu 9 %ni tashkil qildi.
Respondentlarning
59%i Oʻzbekistondagi mehnat muhojirlari bor oila farzandlariga mensimaslik
faktlarini uchratmaganliklarini eʼtirof etdilar. Soʻralganlarning
17%i bunday faktlarga duch kelganlari haqida aytib o’tishdi.
Bunday faktlarga duch kelgan 17%iga (taxminan
300 nafar respondentga) migrant farzandlariga
mensimaslik holatlari nimadan iborat deb soʻralganda, quyidagi natijalar
olindi:
1. Taxqirlashadi - 29%
2. Haqoratlashadi - 25%
3. Imtiyozlarini olib qoʻyishadi -17%
4. Tahdid qilishadi - 8%
5. Yelkalaridan silkitishadi - 7%
6. Ularga baqirishadi - 5%
7. Biron narsa qilishga majburlashadi - 4%
8. Doimo urishadi - 3%
Ushbu javob variantlarini bolalarga mehnat migratsiyasi koʻrsatgan taʼsiriga koʻra salbiy (urushqoq, mayus, oʻqishni yomon oʻzlashtirayapti va hokazo) va ijobiy (mehribonroq, oʻqishda yaxshiroq o’qiyapti va hokazo) taʼsir deb tasniflasak: respondentlarning 48%i mehnat migratsiyasi bolalarning xulq-atvoriga salbiy taʼsir koʻrsatayapti deb hisoblaydilar, respondentlarning 35%i taʼsirning mohiyati haqida maʼlumotga ega emas, 16 %i esa migratsiyaning bolalar xulq-atvoriga ijobiy taʼsir koʻrsatishini e’tirof etdilar.
Soʻrov tahlillariga koʻra, odatda, mehnat muhojirlarining oilalariga qarindoshlari (53%) yordam beradi yoki hech kim yordam bermaydi (37%).
Respondentlarning
taʼkidlashicha, mehnat muhojirlarining
oilalariga asosan zarurat boʻlganda (43%) yoki doimiy ravishda (24%) yordam berilar
ekan.
______________________________________________________________________________
Mehnat
muhojirlarining oila a’zolariga yoki oʻzlari muhojir boʻlgan respondentlarga oʻz vatanlarida qolgan yoki ketgan
qarindoshlari/tanishlari bilan qanchalik tez-tez muloqot qilishlarini so’radik.
Natijalar shuni koʻrsatadiki, muhojirlar va ularning yaqinlari/qarindoshlari tez-tez
aloqada bo’lib turishar ekan: ularning 42%i har kuni, 30 %i har hafta, 13 %i
oyiga bir marta aloqaga chiqib suhbat qilib turishadi. Respondentlarning faqat
15 %i umuman muloqot qilmasliklari yoki yiliga bir marta muloqot qilishlari
haqida yatib berishdi.
Soʻralganlarning 26%i mehnat migratsiyasiga borish istagi yoʻqligi haqida aniq javob berdi. 50%i kelajakda
mehnat muhojirlari rolida oʻzlarini tasavvur qilishlari mumkinligini - yaʼni
ular chet elda ishlash istagi haqidagi savolga ijobiy javob berdilar,
qolganlari esa bu haqda bilmaydilar yoki oʻylamaganlar.
______________________________________________________________________________
Sizningcha, mehnat migratsiyasi
Oʻzbekistondagi oilalarga qanday taʼsir qiladi? – shunday savol bilan biz
respondentlarimizga murojaat qildik. Quyida javoblarning natijalari
keltirilgan:
1. Salbiy - 33%
2. ijobiy - 21%
3.
Bilmayman - 19%
4. Neytral
- 13%
5.
Boshqa - 13%
Shu
bilan birga, “Boshqa” variantini tanlagan respondentlarning ko’pchiligi vaziyatga
bogʻliq bo’lishini va mehnat migratsiyasini ham salbiy, ham ijobiy deb bilish
mumkinligini taʼkidladilar. Shu bilan birga, ijobiy koʻrsatkichlar sifatida -
mamlakatga va oilalariga moliyaviy mablagʻ yuborish va salbiy koʻrsatkich
sifatida yosh avlodning maʼnaviyatiga va tarbiyasiga salbiy taʼsir koʻrsatishi
qayd etildi.
MEHNAT MIGRATSIYASINI OILALARGA
TAʼSIRI HAQIDA U-REPORTERLARINING FIKRI:
«Moliyaviy tomondan yaxshi lekin oilasi
qolib ketyabdi. Oila buzilyabdi farzandlari qarovsiz».
“Har bir holatda indivudual. Men
oila bilan birga mehnat migratsiyasi borish tarafdoriman”.
«Millatimiz ananasidan uzoqlawb ketyapti. Hurmat qilishni
unitib bormoqda”.
“O‘z ehtiyojlariga zarur bo‘lgan buyumlarni 10 yilda
emas, balkim, 1-2 yilda sotib olyapti. O‘zidan oshinib mahallalardagi
zovurlarga ko‘priklar qurdirishda, suv chiqarishda, asfalt yotkizishda homiylik
qilishyapti. Men ham borib kamida 2 ta ish o‘rin yaratmoqchiman va qolaversa
yuqorida aytganimdek Hudo hohlasa ko‘prik qurmoqchiman...”.
“Mehnat
migratsiyasi bugungi kunda oilalarga iqtisodiy jihatdan naf keltirmoqda. Baʼzi
bir kamchilik va oiladagi bolalar hayotida qandaydir oʻzgarishlarning roʻy
berishi migrant shaxs (ota yoki ona) ular bilan boʻlganida ham yuz berishi
mumkin”.
“Oilasini boqish
maqsadida ishlab pul topish uchun
ketishyapti bu ijobiy. Ishi bo'la turib
ko'proq pul topish maqsadida ketayotganlar salbiy xolat”.
"Har kimga
har xil ta'sir qiladi, kimdir mamnun, kimdir sarson. Qaysidir migrantni oilasi
xursand, yana kimdir afsusda. Xullas qanday yo'l va maqsadda ketganiga
bog'liq".
“Qisman ijobiy – moddiy
tarafdan, lekin yoshlarga salbiy”.
"Ijobiy
tomoni O‘zbekistonga valyuta kirib keladi va boshqalar. Salbiy tomoni oiladagi
farzandlar nazoratsiz qolishi oqibatida tarbiyasiz bo‘lib jinoyatlar sodir
etmoqda va boshqa salbiy oqibatlarga olib kelmoqda...".
“Moddiy jixatdan ijobiy,
lekin ma'naviy jixatdan salbiy bunga izohni xojati yo'q hayotda ko'rib
turibmiz”.
“Farzandlar mehrsiz bulib ulg’ayadi, ular ota-onalar
kerakli vaqtida yonida bulmaydi". “Oxir-oqibat,
hech boʻlmasa, oilaviy byudjetda pul bor. Bu ishsizlikdan yaxshiroqdir. Ammo, yarimta oilalar, agar oila aʼzolaridan biri bir mamlakatda, ikkinchisi esa boshqa mamlakatda boʻlsa - bu, albatta, achinarli holatdir ”.
«Oiladagilarning
fikr-u xayoli pul topishda bo'lib qoladi. Farzand tarbiyasi bir chetda qolib
ketadi. Natijada kelajakda bu farzandlardan qanday natija kutish mumkin?»
______________________________________________________________________________
O'zbekistondagi
oilalarga mehnat migratsiyasi qanday ta'sir qilishiga "ijobiy" va
"salbiy" javoblarni tanlagan respondentlarga - biz aniqlashtiruvchi
savollar berdik - bu nimada ifodalanadi?
Mehnat
migratsiyasining oilalarga nisbatan ijobiy taʼsiri boʻyicha “Boshqa”variantini tanlagan respondentlarning 32%i ikkita asosiy omilni
qayd etdi: - moliyaviy barqarorlikka erishishga yordam beradi - muxojirning dunyoqarashini kengaytiradi, hayot
tajribasini va bilim beradi.
MIGRATSIYANING OILAGA
IJOBIY TAʼSIR KOʻRSATADI DEB FIKRLOVCHI U-REPORTYORLAR FIKRI:
“Hamma
narsa uchun pul jamgʻarishingiz mumkin, hamda butun dunyoni koʻrishingiz,
koʻp narsalarni amalda koʻrmagan miyangizga ozuqa berishingiz mumkin. Bu oʻz
nuqtai nazaringizni shakllantiradi, oʻz oʻzimizni topishga yordam beradi,
yaʼni oʻzimiz kimligimizni anglashga yordam beradi.” Bizda aytishgandek,
"Musofir boʻlmaguningcha, musulmon boʻlmaysan“ – bu juda toʻgʻri matal”.
“Barcha kerakli
narsaga pul jamgʻarib, farzandlaringizga yaxshi taʼlim bera olasiz.”
«Orzu
havaslarini amalga oshirishga yordam beradi».
«Yurt kóradi.
Odamlar bilan malumot almashadi».
|
Oilaga
migratsiyaning salbiy omilini ko’rsatuvchi “Boshqa” varianltlariga (bu
respondentlarning 6%i), asosan, bolalar
kerakli g’amxo’rlik va e’tibordan mahrum bo’layotgani qayd etildi. MIGRATSIYANING OILAGA
SALBIY TAʼSIR KOʻRSATADI DEB FIKRLOVCHI U-REPORTYORLAR FIKRI: «Вolalar ota-ona mehriga zor bo'lib yashaydi, natijada
raxmsiz va pulga o'ch bo'lib qoladi hayot tarzi ishdan chiqadi, ba'zi
oilalarda hiyonatgacha borilyapdi».
"Biz juda istiqbolli odamlarni yo'qotamiz,
ularning ba'zilari oliy ma'lumotga ega emas, ammo ular juda aqlli va keng
dunyo qaashga ega."
«Migratsiya yurgan kishini sogligiga tasir otkazadi. Bu esa kelajak
avlodga tasirini otkazadi».
«Seni ota-onang chet elda ishlaydi deb
kamsitadi ustozlar».
«Бу холат узимни опамни
углидан мисол: у хам коллежни зурга тугатиб, Россияга ишга кетди».
«Har tomonlama tasiri boladi: bolalar
tarbiyasida ham, oilada ham, xattoki jamiyatga ham salbiy tasiri».
|
Soʻrov yakunida, respondentlardan migrant
ota-onalarning farzandlariga zarur eʼtibor, gʻamxoʻrlik, taʼlim va boshqa
ijtimoiy koʻmakni olishlari uchun davlat nimalarni
amalga oshirishi kerakligi to’g’risida bitta taklif kiritishlarini soʻradik.
Barcha javoblar orasida eng koʻp
uchraydigan 9 ta taklif va fikrlarni ajratish mumkin:
1) Mamlakatda ish oʻrinlari sonini koʻpaytirish, ish haqi
darajasini oshirish, mahalliy sharoitda ish sharoitlarini yaxshilash, boʻsh ish
oʻrinlari va ishga qabul qilish jarayoni toʻgʻrisidagi ochiq axborot tizimini
yaratish.
2) Bolalarni tarbiyalashga eʼtibor berish, bepul taʼlim kurslarini
/ mashgʻulot guruhlarini tashkil etish, oʻqishlarida koʻmaklashish, kitoblar
bilan ta’minlash. Sport va ijodiy klublarga boʻsh vaqtlarini toʻliq toʻldirish
uchun ularni jalb qilish.
3) Bolalarga nisbatan doimiy eʼtibor, gʻamxoʻrlik, shuningdek
vakolatli organlar (mahalla, patronaj, oʻqituvchilar, psixologlar yoki boshqa
davlat organlari) tomonidan nazoratni kuchaytirish.
4) Bolalarning dam olish vaqtini keraklicha taʼminlash, ayniqsa
mamlakatning eng chekka hududlariga eʼtibor berish: bayramlar, ommaviy
sayillar, mashhur va obroʻli shaxslar bilan uchrashuvlar va h.k.
5) Moddiy yordam, moliyaviy ko’mak, ijtimoiy paketlarni taqdim
etish, imtiyozlar, migrant oilalarning farzandlari uchun imtiyozli kreditlar.
6) Muhojirlar va ularning farzandlari huquqlarini himoya qilish.
Muhojirlarning huquqlarini tushuntirish uchun veb-seminarlar tashkil etish,
shuningdek, bolalarni qoʻrqitishdan va kattalar / oʻqituvchilar tomonidan yomon
munosabatda boʻlishidan himoya qilish.
7) Muhojirlarga yordam berish, chet ellik muhojirlarning
farzandlariga yetarlicha tarbiya berish, ularning turmush sharoitlarini yaxshilash
uchun xorijda maxsus markazlarni yaratish. Ularning ehtiyojlarini yaxshiroq
tushunish va qolgan oila aʼzolariga vaqtida yordam berish uchun elektron
maʼlumotlar bazasini yaratish.
8) Mamlakatni rivojlantirish yoʻlida asosiy toʻsiq hisoblangan
korrupsiyani bartaraf etish, ish oʻrinlarini yaratish va tegishli lavozimlar va
boʻsh ish oʻrinlariga tanlab olishning ochiq tizimini yaratish.
9) Oilani birlashtirishga koʻmaklashish va muhojirlar va ularning
oila aʼzolari oʻrtasida, shu jumladan, virtual aloqa qilishini
qoʻllab-quvvatlash. Shu maqsadda, chet eldagi mehnat muhojirlari va ularning
oila aʼzolari oʻrtasidagi muloqot, asosan, Internet aloqasi orqali bo’layotganini
inobatga olib, mamlakatning chekka hududlarida Internet aloqasini taʼminlash
uchun infratuzilmani takomillashtirish. Maktablarda chet eldagi ota-onalar
farzandlari bilan Internet orqali muloqot qilishlari mumkin boʻlgan maxsus soat
yoki kunlarni oʻtkazish.
Barcha
takliflarni umumlashtirgan holda, mehnat migratsiyasidan kelib chiqadigan
oʻzaro munosabatlarni tartibga solish tizimini oʻzgartirish boʻyicha tizimli
takliflarni ajratish mumkin:
- taʼlim
tizimidagi islohotlar - taʼlim sifatini oshirish, mehnat muhojirlarining qolgan
bolalari ustidan nazorat va e’tibor qilish tizimini yaratish;
-
ijtimoiy masalalar bilan shugʻullanadigan va mehnat muhojirlari bilan ishlashni
tashkil etish uchun masʼul boʻlgan muayyan vakolatli muassasa / tashkilotni
yaratish yoki aniqlash;
-
muhojirlar yoki ularning oila aʼzolarining huquqlarini himoya qilish, ularni zarur
ish sharoitlari bilan taʼminlash vakolatiga ega boʻlgan mehnat muhojirlarini
chet elga joʻnatish bilan shugʻullanadigan maxsus markazlarning faoliyatini
qayta tashkil etish va takomillashtirish;
- mehnat
migratsiyasi ko’lami va holati boʻyicha maʼlumotlarga ega boʻlish uchun elektron
bazani yaratish, vas hu uning yordamida qoʻllab-quvvatlashga muhtoj bolalarni
aniqlash.
MEHNAT MIGRANTLARINING MAMALAKATDA QOLAYOTGAN OILA AʼZOLARINING
SHAROITLARINI YAXSHILASH TOʻGʻRISIDAGI U-REPORTERLARINING FIKRI:
«Ularning hammasi ham eʼtiborga muhtoj deyish xato, lekin davlat tomonidan
migrantlarning farzandlariga taʼlim olish joyi orqali koʻproq nazorat va
eʼtiborni bersa maqsadga muvofiq boʻladi».
«Bolalarini har xil yoshlar ijtimoiy harakatlari, birlashmalarida faol bolishiga undash, oqishga koproq jalb qiluvchi yozgi va qishgi lagerlar tashkil qilishi mumkin».
«Hech narsa kerak emas faqat migratlarning huquqi poymol qilinmasa bas».
«Bo‘sh ish
o‘rinlarini xalqga osonroq va qulayroq ravishda ko‘rsatish kerak”.
«Проводить еженедельный/ежемесячный
патронаж семей(домов), где содержатся дети тех, кто уехал работать за границей».
«Ularni qòshimcha
tarzda ilm olishiga, tarbiyasiga kòmaklashish. Internet sifatini yaxshilash va
narxini pasaytirish kerak. Sababi migrant oilasi bilan koproq ijtimoiy
tarmoqlar orqali suxbatlashadi».
«Ularni ruhiyatiga ta'sir qilmasdan to'g'rilik bilan nazorat qilish va
tarbiyalash».
«Биринчи навбатда хаммани ўзимизда қониқарли иш билан таминлаш керак. Тўғри хозир бунинг иложи йўқ. Менимча, уларга чет элда оилавий ишлаши учун шароит яратиш керак. Мисол учун кўпчилик ватандошлар яшайдиган жойларда ўзимизнинг таълим дастури бўйича билим берувчи муассасалар очиш керакдир (масалан, Москва области Калуга шахрида 100 минглаб юртдошларимиз яшашар, бола-чақаси эса мактабда ўқиётгани учунгина буёқда қолишади. Лекин ўқишлари жойида эмас. Сабаби уларни ҳеч ким назорат қилишмайдида). Албатта бунинг учун улар топган даромадларидан солиқ тўлашини йўлга қўйиш керак. Шунда болалар ота-онаси қарамоғида бўлади ва таълим тарбияси ҳам жойида бўлади».
«Mehnat migrantlar farzandlarini qoldirib ketgan vasiylar bilan
psixolog uchrashuvlari tashkil etish juda zarur».
«Хеч қандай ғамхўрлик қилишни кераги йўқ чунки мигрантларнинг фарзандлари Ўзбекистонда яшаб ишлаётганлар фарзандларидан кўра бахтлироқ ва хеч нарсага мухтожлиги йўқ».
«Ularga Oʻzbekоna qadriyatlarni unutishga yoʻl qoʻymaslik kerak».
«Bolalarni to'liq
nazoratga olishi lozim. Bolalarning umuman bo'sh vaqti qolmasligi kerak.
Masalan, maktabda darslar hozirda 12-13 gacha davom etadi. Bola o'qiyotganidan
rohatlanishi kerak. O'quvchilar bilan doimiy psixolog shug'ullanishi, ularga
ruhan yordam berishi kerak. Muammo oilaviy bo'lsa, kerak bo'lsa uni hal
qilishga yordam berishi kerak. Psixolog huquqshunos bilan birga masalalarni hal
qilishi lozim. Bolalarning bo'sh vaqtlarini samarali o'tkazishi uchun sportga,
ilm olamiga katta e'tibor berish, bolalarni bunga qiziqtirish lozim. Har qanday o'quvchida qobiliyat bo'lishini
hisobga olib ularga munosabat bildirish kerak. O'quvchilarni texnika sohasiga,
umuman, ilm-fanga qiziqtirish maqsadida labaratoriyalar shakllantirish kerak».
“Bolalar bogʻchasida, maktabda va boshqa joylarda ularni tahqirlamasliklarini nazorat qilish zarur. Masalan, sening otang Rossiyada, shuning uchun u Vatan xoini degan
gaplarga yoʻl qoʻymaslik kerak. Odatda bunday gaplarni kattalar bolalarga
aytganini eshitish mumkin. Ota-onalardan birining chet elda ekanligini bilib
olgan oʻqituvchilar, bola otasini u yerdan biron bir narsa olib kelishni
soʻrashi mumkin va buning oʻrniga yaxshi baho qoʻyishni vaʼda qilishi mumkin”.
“Hukumat bunday bolalar kelajagi uchun sarmoya
kiritish uchun ijtimoiy dastur ishlab chiqishi zarur”.
«Таныс билисти жок кылыу керек бир жерге жумыс сорап
барсан бос орын жок адам ап койдык деп кайтарып жибереди ал танысын болып хай деп жиберсе жумыс тайар
шет елде жургенлерлин бари таныс жоктан жумыс таба алмаганлыктан шет елде жумыс
ислеп жур менин пикирим».
«Davlatimiz
kerakli yordamlar beryapti lekin biz insonlar bir-birlarimizga g‘amxo‘rlik
qilmayapmiz».
«Mehnat migrantlari yaqinlarini ijtimoiy
qo'llab-quvvatlovchi tuzilma tuzish va ushbu tuzilma orqali migrantlar
oilalariga kerakli ijtimoiy, ma'naviy va boshqa ko'maklarni berish lozim».
“Maktablarda bunday bolalarga koʻproq eʼtibor
qaratish va ularning boshqalardan ajralishini oldini olish kerak”.
“Migrant
ishchilarning farzandlari alohida eʼtibor talab qiladi, deb oʻylamayman.
Mamlakatimizda chet elga ishlash uchun safarga ketish odatiy holdir. Agar
bolalarni taʼlim va ish bilan taʼminlash tizimini takomillashtirishga erishsak
(toʻgaraklar va boshqalar), bu faqat bolalarga ijobiy taʼsir koʻrsatadi. Bu shuningdek, mehnat muhojirlarining bolalariga ham
tegishli. ”
«Har haftasiga/oyiga ularga
ko'nglini ko'tarish uchun tadbirlar tashkil qilish tarbiyasi bilan
shug'ullanish kerak, ularning soni juda ko'p bo'lgani uchun ijtimoiy yordam
berish qiyin, shuning uchun MFY bilan hamkotlikda "Ezgulik kuni"ni
tashkil qilib mahalladagi aholi bilan ijtimoiy yordam bersak bo'ladi».
«Shu bolalarning ko'zida ozgina bo'lsa ham quvonch bo'lishi uchun o'sha
hududdagi hokim, mahalla raislari, maktab direktorlari, mahalladagi faol
kishilar, sponsor uchun istalgan bitta firma(ko'ngilli), san'at odamlari
boshchiligida hech bolmasa ikki haftada bir marta bo'lsa ham ko'ngilochar tadbirlar o'tkazish
tarafdoriman.Bolalar ko'rsin, bilsin, o'rgansin esidan chiqmasin shunaqa
bayramlar. Bunday tadbirlarni har bir uchastkada o'tkazilayotganligiga qattiq
e'tibor berish kerak .Tuman markazlaridagina tashkil qilinib qoladi holos».
«Manimcha, ularning farzandlarini
bir kun kelib xuddi ota-onasidek bolib chetga ketishlarini oldini olish
maqsadida, fan togaraklariga izchillik bilan jalb etish, qiziqtirish, hayot
tarzini boriga konib yashash degan tuchunchalardan ozod etishimiz oz taqdirini vatan taqdiri bilan chambarchas
holda his qilishlariga orgatishimiz shart va zarur. U-Report ortida xizmat
qilayotgan vatandoshlarimizga esa kattakon rahmat!!!»
«Elchixonlar huzurida milliy ananalarni urf odatlarni o‘rgatadigan ayni
vaqt yurtimizda yoshlarga. yaratilayotgan imkoniyatlar haqida ma‘lumot beruvchi
markaz tashkil qilish kerak».
«Хар бир таьлим муассасасига бир нафар ижтимоий ёрдам ходими штати ташкил
этиш».
«Davlat va xususiy kanallari, ijtimoiy tarmoqlarda xorijiy davlatlarda
migratsiya hizmatlari, huquqiy hizmatlar, davlar elchixonalari faoliyati, ular
bilan qanday bog'lanish, qaysi davlatga borayotganda nimaga e'tibor qaratish
haqida ko'rsatuvlar namoyish etish lozim. Shuningdek, adliya vazirligi ahborot
kanali kabi kanal ochish va o'zbek tilida yuqoridagi mavzulardan doimiy ahborot
berib borish lozim».
«Chetda ishlashga chiqib
ketayotgan fuqaro farzandlari tarbiyasiga ma'su l(javobgar) shaxsni
(qarindoshi) ko‘rsatgandan so‘ng, Davlat tomonidan ruxsat berilishini joriy
etish. Kerak bo‘lsa qonuniylashtirish kerak...».
«Chet el qonun va qoidalari bilan tanishishga har 3 oydan seminar yoki
online shakldagi vebinarlar o'tkazishi hamda ularga online tarzda elektron
pochtalariga taklif va tavsiyalar berishganlarida migrantlarga katta yordam
bo'lar edi».
«Migrant sifatida ketganlarning oilasidagi voyaga yetmaganlarni
roʻyxatini shakllantirish kerak. Bu roʻyxat asosida mahalla fuqarolar yigʻini
qoshida alohida komissiya tuzish kerakki, komissiya shu oilalarning doimiy
kuzatib turishi, zarur hollarda oilalardagi salbiy va ijobiy jarayonlarni qayd
etib borishi kerak».
«Davlat tomonidan
ularning qo‘llab-quvvatlanishi uchun maxsus dastur ishlab chiqish lozim.
Hozirda menda ayni shunga munosib bo‘lgan bir dastur mavjud. Agarda men bilan
bog‘lansangiz men berishim mumkin».
«Mening taklifim shundan iboratki, Davlat mehnat migrantlarining
farzandlari bilan mahalla, O'zbekiston yoshlar ittifoqi, yoki bola huqulari
bo'yicha har bir tuman, viloyat, shahar xodimlari suhbat o'tkazib, ularning
orzulari, nimalarga qiziqishlari, otasi yoki onasi nima uchun chet elga ishlashga
ketganligi va ketganidan keyin oilaviy sharoitlari qanday, o'z orzulari
ro'yobga chiqishi uchun qanday yordam kerakligi haqida mustaqil fikrlarini
bilish lozim. Misol sifatida mening dadam ham yaqinda chet elga ishlashga
Rossiyaga ketdilar. Nimaga ketdilar albatta biz farzandlarini kelajagini,
orzularini o'ylab, o'z kasblariga oid Respublikamizda yaxshi ish bo'lmaganligi
tufayli ketdilar. Biz oilada 5 ta farzandmiz bizlarni boqish kerak, o'qishlarga
kirdirib, uylantirishlari kerak. Dadam ko'p farzandli ota bo'lgani uchun
sharoit imkoniyatlar unchalik yaxshi emas. Lekin ota-onamizning bizga bergan
to'g'ri tarbiyalari orqali biz bundan nolimaymiz va ota-onalarimizga,
Yurtimizga munosib farzandlar bo'lib yetishish maqsadida biz harakatdan, o'qib
izlanishdan, ijod va mehnat qilishdan aslo charchamaymiz. Sizlarga ham katta
rahmat o'zimning mustaqil fikrimni va taklifimni aytishga imkoniyat yaratib
berganingiz uchun!!»
Agar siz muhojir ishchilarining oila aʼzolari bilan bogʻliq har qanday
savol yoki qiyinchiliklarni xabar qilmoqchi boʻlsangiz, Respublika bolalar
ijtimoiy moslashuvi markaziga yoki boshqa ijtimoiy xizmatga murojaat qilishingiz
mumkin. Quyidagi raqamga qoʻngʻiroq qiling: 71 281 50 19.
Izoh: So’rov natijasida olingan ma’lumotlar UNICEF ning ushbu mavzuga munosabatini aks etmaydi, reprezentativ ma’lumot emas va so’rovda qatnashgan 2500ga yaqin respondentlarning fikridir.