U-Report so’rovining maqsadi –
reproduktiv salomatlik va jinsiy munosabatlar mavzusidagi axborot manbalarini,
yoshlarning ushbu mavzuga doir ma’lumotlarni qayerdan olayotgani va ushbu
ma’lumotlarni qayerdan olish ularga qulay ekanini o’rganish.
So’rov UNICEFning Toshkentdagi vakolatxonasining Sog’liqni saqlash bo’limi, O’zbekiston Respublikasi Sog’liqni saqlash vazirligi va Xalq ta’lim vazirligi bilan hamkorlikda o’tkazildi. Olingan ma’lumotlar ushbu mavzuda yoshlarning bilimini oshirish uchun, o’zlari xohlagan usulda ma’lumotlar olishining samarali mexanizmlarini ishlab chiqishda qo’llaniladi.
So’rovda respublika bo’ylab 1500ga yaqin ishtirokchilar qatnashdi.
Biz U-Reportyorlardan ularga
reproduktiv salomatlik haqida kimdir gapirib berganmi deb so’radik, va quyidagi
javoblarni oldik:
1.
Ha,
maktabda – 26%
2.
Yo’q – 26%
3.
Internetdan
o’qiganman – 19%
4.
Maxsus
broshura/kitoblardan – 10%
5.
Ha,
shifokor – 8%
6.
Ha,
do’stlarim – 6%
7.
Ha,
ota-onam – 5%
So’ralganlarning deyarli ¼ qismi ularga reproduktiv salomatlik
to’g’risida hech kim gapirib bermaganligi, shuningdek ushbu ishtirokchilarning
aksariyati 14-19 yosh oralig’ida ekani ma’lum bo’ldi. Reproduktiv salomatlik
to’g’risida hech kimdan eshitishmagan ishtirokchilarning (26% ishtirokchilar)
28%i erkaklar va 21%i ayollar.
Shuni ham ta’kidlash joizki, ayollarning ko’pchiligi (34%), erkaklarga nisbatan (21%), reproduktiv salomatlik haqida maktabda eshitgan, Internetda esa ushbu mavzuda ayollarga (11%) nisbatan ko’proq erkaklar (24%) ma’lumot olar ekan.
Qariyb chorak ishtirokchilar (26%)
kontratseptsiya nima ekanini bilishmaydi.
Teng miqdorda ishtirokchilar himoyalanish usullari to’g’risida do’stlari
bilan (24%) muhokama qilganini yoki Internetda (24%) o’qiganini aytib o’tishdi.
Uchinchi o’rinda ushbu mavzudagi suhbat asosan shifokorlar bilan o’tishini 17%
ishtirokchilar aytib o’tishdi. Faqatgina 4% ishtirokchilar kontratseptsiya
to’g’risida ota-onalari bilan muhokama qilishgan, qolgan 5% ishtirokchilar
maktabda o’qituvchilar bilan suhbatlashgan.
Shu o’rinda, ayollarning ko’pchiligi ushbu mavzuda o’qituvchilar (10%) yoki shifokorlar (29%) bilan suhbat qurgan bo’lsa, erkaklarda bu ko’rsatgich faqatgina 3% va 11%i tashkil etgan. Qizig’i shundaki, ayollarga nisbatan erkaklarning ko’pchiligi “ota-onam bilan” (29%), “Internetda o’qiganman” (27%) va “ma’lumotga ega emasman” (28%) degan javoblarni belgilashgan (ayollarda ushbu ko’rsatgich ketma-ketlik bo’yicha 17%, 17% va 21%).
Jinsiy munosabatlar to’g’risida suhbat birinchi o’rinda do’stlar bilan
bo’lishi aniq bo’ldi – bu ishtirokchilarning 45%iga teng. 25% ishtirokchilar
Internetda mustaqil o’qishgan. So’ralganlarning 9% ishtirokchilari shifokorlar
bilan suhbatlashgan, va teng miqdordagi ishtirokchilar ota-onalari (3%) yoki
maktabda o’qituvchilari (3%) bilan suhbatlashganligi aniqlandi.
Ko’pchilik erkaklar (51%) jinsiy munosabat mavzusida do’stlari bilan
suhbatlashgan yoki Internet sahifalarida maqolalarni (27%) o’qigan. Ayollarda
bu ko’rsatgich ketma-ketlikda 35% va 20%ga teng.
15% ishtirokchilar jinsiy munosabat mavzusida hech qanday bilimga ega emas: ulardan 22%i ayollar va 11% erkaklar ekani ma’lum bo’ldi.
So’rovning natijalariga ko’ra, homiladorlik va uning qanday kechishi masalalari to’g’risida ishtirokchilarning deyarli 1/4 qismiga ma’lumot berilmagan. Hammasidan ko’proq bu mavzu do’stlar (23%) va shifokorlar (18%) bilan muhokama qilingan. Ushbu masalada ishtirokchilarning 8%i ota-onalari bilan va 5%i maktabdagi o’qituvchilari bilan suhbat qurgan. Internet orqali ishtirokchilarning 21%i ushbu mavzu bilan tanishgan.
Maktabdagi o’qituvchilar jinsiy yo’l bilan
o’tadigan OIV/OITS kabi kasalliklar va ulardan himoyalanish usullari
to’g’risidagi ma’lumotlarning asosiy manbalari ekani ma’lum bo’ldi: ishtirokchilarning
deyarli 1/3 qismi (31%) ushbu javobni tanlashdi. Lekin, ishtirokchilarning yoshi ortgan sari
ularning ko’pchiligi “shifokor bilan” degan javobni belgilashgan.
Deyarli teng miqdordagi ishtirokchilar “shifokor bilan” (19%) va
“Internetda o’qiganman” (21%) degan javob variantlarini tanlashdi. 17%
ishtirokchilar ushbu mavzuda suhbatni do’stlari bilan olib borishdi, va 4%
ishtirokchilar esa ota-onalari bilan muhokama qilishgan.
Faqatgina 8% ishtirokchilar ushbu masalada hech qanday ma’lumotga ega
emasligi ma’lum bo’ldi.
Biz reproduktiv sog’lik haqida “Internetda o’qiganman” degan javobni
belgilagan ishtirokchilardan qaysi Internet manbalaridan odatda
foydalanishligini so’radik, va quyidagi javoblarni oldik:
1.
O’zbek –
46%
2.
Rossiya –
28%
3.
Xorij –
26%
Qizig’i shundaki, erkaklarga nisbatan (22%) ayollarning ko’pchiligi
(40%) Rossiya Internet manbalaridan foydalanishar ekan. Erkaklarning
ko’pchiligi esa (53%) reproduktiv salomatlik to’g’risida ma’lumotlarni
o’zimizning mahalliy resurslardan olishini ta’kidlashdi. Shuningdek,
ishtirokchilarning yoshi ortgan sari ular ko’proq o’zbek resurslaridan
foydalanishi ma’lum bo’ldi.
___________________________________________________________________________
“Sizga reproduktiv salomatlik
haqida muhokama qilish kim bilan qulay?” degan savolga quyidagi javoblarni
oldik:
1.
Shifokor –
33%
2.
Do’stlarim
– 26%
3.
Onlayn
maslahatchi – 17%
4.
Onam – 5%
5.
Maktabdagi
o’qituvchim – 4%
6.
Aka-uka/opa-singlim
– 2%
7.
Otam – 1%
8.
Hech kim –
14%
Erkaklar “do’stlarim” (27%), “onlayn maslahatchi” (21%) javoblarida ayollarga nisbatan (ketma-ketlikda 23% va 8%) ustunlik qilishdi. Ayollar ushbu suhbatni “shifokor” (36%), “o’qituvchi” (4%), “ona” (12%) va “opa-singil” (12%) bilan qurishni ma’qul topishdi. Ushbu ko’rsatgichlar erkaklar uchun ketma ketlikda 32%, 3%, 1%, va 1% ekani ma’lum bo’ldi.
Ishtirokchilarning
uchdan bir qismidan ko’prog’i (37%) reproduktiv salomatlik to’g’risida
shifokordan batafsil ma’lumot olishni xohlashadi. 16% ishtirokchilar Internetni
ma’qul topishdi, va deyarli teng miqdordagi ishtirokchilar reproduktiv
salomatlik to’g’risida batafsil ma’lumotni psixologdan (14%), maktabdagi
darsdan (13%) va maxsus broshura/kitoblardan (12%) bilib olishni ma’qul
ko’rishdi. Faqatgina 4% ishtirokchilar reproduktiv salomatlikni bilib olish
bo’yicha manba sifatida ota-onalarini tanlashdi.
Shuningdek, biz respondentlarga reproduktiv
salomatlik haqida o’rganish uchun o’zlarining takliflarini berishlarini taklif
qildik. Quyidagi uchta asosiy takliflar olindi:
1.
Maktab,
litsey va kollejlarda maxsus reproduktiv salomatlik bo’yicha darslikni joriy
qilish.
2.
Ushbu
mavzuda maxsus elektron va bosma materiallarni tayyorlash va ommaga chiqarish.
3.
Ayollarning
muammolarini muhokama qilish mumkin bo’lgan Ayollar klublarini tashkil qilish.
So’nggi savol “Nechi yoshdan
boshlab bolalar/yoshlarni reproduktiv salomatlik va jinsiy aloqa to’g’risida o’qitish
kerak?”. 59% respondentlar
reproduktiv salomatlik to’g’risida yoshlarni 14-16 yoshdan o’rgatish kerak deb
hisoblashadi. 23% respondentlar 17-18 yosh oralig’ini tanlashdi, 12%
ishtirokchilar esa 11-13 yoshni ma’qul deb hisoblashdi. Faqatgina 6% respondentlar
19 yoshdan yoshlarni o’rgatish kerak deb hisoblashadi.
Tahlilning
asosiy natijalari:
1.
Ishtirokchilarning
1/4 qismidan ko’pi hech kim bilan reproduktiv salomatlik bo’yicha
suhbatlashmagan.
2.
Maktabdagi
o’qituvchilar jinsiy yo’l bilan o’tadigan OIV/OITS kabi kasalliklar va ulardan
himoyalanish usullari to’g’risidagi ma’lumotlarning asosiy manbalari ekani
ma’lum bo’ldi: deyarli ishtirokchilarning uchdan bir qismi (31%) ushbu javobni
tanlashdi.
3.
59%
respondentlar reproduktiv salomatlik to’g’risida yoshlarni 14-16 yoshdan
o’rgatish kerak deb hisoblashadi.
4.
U-Reportyorlar
maktab, litsey va kollejlarda reproduktiv salomatlik to’g’risida darslik o’tish
to’g’risida taklif berishdi.
Olingan ma’lumotlar Sog’liqni saqlash vazirligi va Xalq ta’limi vazirligiga
reproduktiv salomatlik to’g’risida o’quv dasturlarni ishlab chiqishda yordam
berish uchun yuboriladi.
Izoh: So’rov natijasida olingan ma’lumotlar UNICEFning
ushbu mavzuga munosabitini aks etmaydi, reprezentatic ma’lumot emas va so’rovda
qatnashgan 1500 ga yaqin respondentlarning fikridir.