Maktab ta’lim muassasalaridagi umumiy ovqatlanish joylarida
vaziyat qanday? Maktab/litseylar oshxonalarida qanday menyu taklif qilinmoqda, taomlar
narxlari qoniqarlimi, sog’lom ovqat va ichimliklar taklif qilinayaptimi? Menyu
assortimenti, oshxonalar tozaligi qanday? Ushbu so’rov maktab muassasalaridagi
oshxonlarga o’quvchilar/talabalar va ularning ota-onalari ko’zi bilan qarashga
imkon beradi.
Qonunchilikka
ko’ra, maktab/litsey/kollejlarda nosog’lom ovqatlar sotilishini taqiqlovchi
qoidalar qabul qilingan, o’quvchilar uchun sog’lom ovqatlanishni tashkil etish
bo’yicha tadbirlar belgilangan. Vazirlar Mahkamasi qaroriga ko’ra, maktab,
kollej va litseylar oshxonalarida gazli ichimliklar va fastfud sog’lom ovqat
bilan almashtirilishi lozim.
2020 yilgacha
bo’lgan rejalarda maktab, kollej va litseylarda butun ovqatlanish tizimini
takomillashtirish nazarda tutilgan. 2017-2020 yillarda, Respublikaning umumiy
ovqatlanish joylariga ega bo’lmagan 400 dan ortiq ta’lim muassasalarida bufet
shaklidagi oshxonalar tashkil etiladi.
Barcha bunday muassasalarga mutaxassislar tomonidan tayyorlangan hamda
O’zbekiston Oshpazlari uyushmasi tomonidan ishlab chiqilgan kompleks tushlikni
yetkazib beruvchi kombinat tuzilishi rejalashtirilmoqda.
So’rovda 720 dan ortiq kishi qatnashdi. Biz U-Reportyotlardan ushbu so’rovda qatnashishni xohlashlarini so’radik va so’ralganlarning 52% maktab va litseylarni bitirganliklarini ko’rsatganliklariga qaramasdan, jami ishtirokchilarning 87% bu mavzu qiziqarli deb javob berishdi.
Ishtirokchilarning 88% ularning ta’lim muassasalarida oshxona/bufetlar borligini aytishdi.
Shunday qilib,
maktab oshxonalaridagi xizmat ko’rsatish va ovqat sifatini ishtirokchilarning
34% “juda yomon” va “yomon”, 44% esa “o’rtacha” deb baholashdi.
Maktab/litseyning oshxona/bufeti menyusida ko’proq
nima yoqmasligi to’g’risidagi savolga U-Reportyorlar quyidagi javoblarni
berishdi:
1.
Tanlov
cheklangan – 37%
2.
Nosog’lom
ovqat (gazli ichimliklar, xotdoglar, chipslar) – 30%
3.
O’z
variantingizni yozing – 15%
4.
Meva
va sabzavotlar sotilmaydi – 12%
5.
Kompotlar/tabiiy
sharbatlar sotilmaydi – 6%.
Ishtirokchilarning, o’z oshxonalarida nima
yoqmasligi haqida yuborgan javob variantlari ichida quyidagilar bor edi: 1) narxlarning oshirilib ko’rsatilishi,
2) tanlov yo’qligi, 3) oziq-ovqat mahsulotlarining sifatsizligi yoki yaroqlik muddati
bo’yicha shubhalar 4) gigiyenaga oid masalalar, 5) ovqatda maza yo’qligi.
U-Reportyorlardan
biri shunday dedi: “Gap umuman umumiy ovqatlanish konsepsiyasini anglashda. Bu
yerda muammolar bor, ammo hamma narsa yaxshilansa, narx ham oshadi”.
So’ralganlarning
23% maktab umumiy ovqatlanish shoxobchasida sanitar sharoitlarni “yaxshi” va
“a’lo” (mos ravishda, 20% va 3%), qolgan ihstirokchilar – ya’ni 77% “3” va undan past baho berishdi.
Yoshlar ta’lim muassasasi oshxonasida/bufetida
o’zlariga (singillari/ukalari/bolalariga) nima sotib olishlari to’g’risidaga
savolga, javoblar:
- eng ko’p sotib olinadigan ichimliklar:
1.
Choy
2.
Suv
3.
Gazli
va shirin ichimlik
4.
Qahva
5.
Kompot
- maktab oshxonalarida eng ko’p sotib olinadigan
taomlar/ovqat:
1.
Bulochkalar
va boshqa shirin pishiriqlar
2.
Somsa
3.
Xotdoglar,
gamburgerlar
4.
Bo’girsoqlar
(pirojki)
5.
Kotletlar
garnir bilan
Javoblar ichida, shuningdek, palov, turli hil sho’rvalar,
qovurilgan sosiska/tuxum, shokolad, suxariklar, chipslar, salat, sharbat ham
bor edi. Bunda ishtirokchilarning ba’zilari u yoki bu mahsulotni faqatgina
boshqa tanlov yo’qligi uchun tanlashlarini aytishgan.
Biz
ishtirokchilardan maktab menyusi uchun takliflar berishlarini so’radik: ular maktab o’quvchisi/litsey talabasi
menyusida nima bo’lishini xohlashadi. U-Reportyorlar quyidagi menyuni
shakllantirishdi:
1.
Issiq
ovqatlar, sho’rva
2.
Sog’lom
ovqat
3.
Mevalar
4.
Sifatli
non mahsulotlari
5.
Sharbatlar
va kompotlar
6.
Sabzavotlar
va mevalar
7.
Go’sht
8.
Sut
mahsulotlari
U-Reportyorlar, shuningdek, ovqatlar, iloji bo’lsa, “uy ovqati” toifasidagilari, unchalik qimmat bo’lmasligi kerakligi haqida alohida to’xtalib o’tishgan.
Agar Siz maktab
ta’lim muassasalarida nosog’lom oziq-ovqat savdosiga duch kelsangiz, ushbu
masalani nazorat qilish uchun mas’ul bo’lgan Xalq ta’limi vazirligining viloyat
yoki tuman bo’limlariga murojaat qilishingiz mumkin.
Ю-Репорт жамоасидан маълумот: Сўров натижасида
олинган маълумотлар ЮНИСЕФнинг ушбу мавзуга муносабатини билдирмайди, статистик
маълумот эмас ва сўровда қатнашган 720дан ортиқ респондентларнинг фикри бўлиб, жамиятдаги
тренд ва тенденцияларни акс эттириши мумкин.