Yevropa va Markaziy Osiyodagi 45 ta davlat 2006 yildan buyon OPV (odam papilloma virusi) vaksinasini taqdim etdi. OPVga qarshi emlanish ko’lamini oshirishga qaratilgan sa'y-harakatlarga qaramay, mintaqaning bir nechta mamlakatlarida hali ham bu ko’rsatkichlar past. 2019 yildan boshlab O'zbekiston 9 yoshli qizlar orasida OPV vaksinatsiyasini joriy etdi.

So'rovning maqsadi:

•    Yoshlarning OPV vaksinatsiyasi haqida xabardorligini va ularning emlash qarorlarini qabul qilishda tutgan o'rni to'g'risida tasavvurlarini baholash;

•      OPV vaksinasini olish istaklarini baholash

•      OPV vaksinatsiyasi uchun mavjud to'siqlarni aniqlash.

Maʼlumotlar ishlatilishi:  immunizatsiya va OPV vaksinatsiyasini ko’lamini koʻpaytirish uchun yechimlar va xabarlarni, shu jumladan U-Report chatboti uchun, ishlab chiqishda qoʻllaniladi.

So’rov geografiyasi: O'zbekiston Respublikasi

Respondentlar soni: 2200 dan ortiq U-Report foydalanuvchilari. Tahlil faqat qizlarning javoblari tahlili asosida taqdim etiladi (63%).

SO'ROVNING ASOSIY NATIJALARI:

1.       Soʻrov ishtirokchilarining aksariyati (66%) OPV (inson papilloma virusi) vaksinasi haqida eshitmagan. Faqat 28% ijobiy javob berdi.

2.       OPV vaksinasi respondentlarning sog'lig'i uchun qanchalik muhim deb o’ylashlarini so'raganda, quyidagi natijalar olindi:

1) 44% sog'liq uchun bir qancha muhim deb hisoblaydi

2)      42% OPV vaksinasi haqida bilmaydi

3)      8% bu "juda muhim" ekanligini aytdi

4)      Faqat 6% foydasiz deb javob berdi.

3.       Qizlarning 3 tadan biri (32%) OPV vaksinasini olishni rejalashtirmayapman deb javob bergan. Yana 42% OPVga qarshi emlanishiga hali ishonchi komil emasligini aytdi.

4.       Qiz respondentlarning faqat 22 foizi OPVga qarshi emlash rejalari haqida "ha" deb javob berdi. Shu bilan birga, ushbu javobni 26+ yoshdagi (25%) qizlar ko'proq tanladilar, 13-26 yoshlilarga (18%) qaraganda.

5.       Respondentlarning 57 foizi OPV vaksinasini olish yoki olmaslik qaroriga ta'sir qilishi mumkinligiga ishonishadi. Faqat 17% bu savolga "yo'q" deb javob berdi.

6.       Soʻrovnoma oʻtkazilgan qizlarning aksariyati (79%) hech qachon OPVga qarshi  vaksinatsiya qilish bo’yicha hech kimdan tavsiya olmaganini aytishdi.

7.       Ayol respondentlarning OPV vaksinasini hali olmaganligining eng top 4 sabablaridan:

1)      OPV vaksinasi haqida ma'lumot yetishmasligi (38%)

2)      Nojo’ya ta'siridan qo'rqish (31%)

3)      Qayerdan olishni bilmasligi (30%)

4)      Reproduktiv salomatlikka ta'sir qilishi mumkinligidan qo'rqish (12%).